សង្ស័យថាជាប្រភពនៃការរាតត្បាតវីរុសកូរ៉ូណា ចិនកំទេចលុយក្នុងតំបន់ឆ្លងរោគទាំងអស់
- 2020-02-19 04:35:00
- ចំនួនមតិ 0 | ចំនួនចែករំលែក 0
សង្ស័យថាជាប្រភពនៃការរាតត្បាតវីរុសកូរ៉ូណា ចិនកំទេចលុយក្នុងតំបន់ឆ្លងរោគទាំងអស់
ចន្លោះមិនឃើញ
ដោយសន្និដ្ឋានថា វីរុសកូរ៉ូណាឆ្លងតាមការជួញដូរលុយក្រដាសនោះ ធនាគារជាតិចិនបានឲ្យដឹងថា ពួកគេនឹងចាប់ផ្ដើមកំទេចលុយក្រដាសក្នុងតំបន់ឆ្លងរោគទាំងអស់។
យោងតាមបណ្ដាញព័ត៌មាន South China Morning Post សាខាខេត្ត ក្វាងចូវ នៃធនាគារជាតិចិន បានឲ្យដឹងថា ពួកគេនឹងចាប់ផ្ដើមកំទេចលុយក្រដាសដែលប្រមូលបានពីមន្ទីរពេទ្យ ផ្សារសត្វព្រៃ និងលើឡានក្រុងទាំងអស់ ដើម្បីធានាថា ការជួញដូរដោយប្រើប្រាក់សុទ្ធនឹងមានការឆ្លងរាលដាលនៃវីរុសកូរ៉ូណា។
កាសែត Caixin កាលពីថ្ងៃទី១៨ ខែកុម្ភៈ បានរាយការណ៍ថា ធនាគារសាខាក្វាងចូវ និងកំទេចទាំងលុយកាក់ និងលុយក្រដាសតែនៅតំបន់ដែលមានអ្នកជំងឺច្រើនទាំងអស់ប៉ុណ្ណោះ។
សម្រាប់ធនាគារឯកជននៅខេត្ត ត្រូវប្រមូលលុយក្រដាសមកវិញ ហើយបែងចែកជាក្រុម និងសម្លាប់មេរោគទាំងអស់ ហើយប្រគល់ឲ្យធនាគារជាតិវិញ។
សកម្មភាពនេះត្រូវបានចាប់ផ្ដើម ក្រោយពេលលោក Fan Yifei អគ្គនាយករងធនាគារជាតិចិន បានបញ្ចេញលុយក្រដាសចំនួន ៦០០ពាន់លានយាន់ (៨៥,៦ពាន់លានដុល្លារ) ត្រូវបានដាក់ចរាចរណ៍លើទីផ្សារចាប់ពី ថ្ងៃទី ១៧ ខែមករាកន្លងទៅ ដោយលុយសុទ្ធ៤ពាន់លានយាន់ (៥៧១លានដុល្លារ) ត្រូវបានបញ្ជូនផ្ទាល់ទៅទីក្រុង Wuhan ដើម្បីផ្លាស់ប្ដូរលុយក្រដាសថ្មីទាំងអស់៕