Jesus ស្រក់ទឹកភ្នែក ក្រោយបំពេញក្ដីស្រមៃ ចូលរួមក្លឹបយក្ស១នេះ

2020-02-19 08:03:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបានសម្រេចក្ដីស្រមៃរបស់ខ្លួន យុវជនវ័យក្មេង Reinier Jesus បានសម្រក់ទឹកភ្នែក ក្នុងអំឡុងពេលបង្ហាញខ្លួនក្នុងនាមជាកីឡាកររបស់ក្លឹប Real Madrid កាលពីម្សិលមិញ។

កីឡាករប្រេស៊ីលវ័យក្មេង បាននិយាយថា៖ «ខ្ញុំចង់ចូលរួមចំណែកក្នុងប្រវត្តិសាស្ត្ររបស់ក្លឹបយក្សអេស្ប៉ាញមួយនេះ។ ថ្ងៃនេះជាថ្ងៃរីករាយបំផុតសម្រាប់ខ្ញុំ ព្រោះខ្ញុំបានបំពេញក្ដីស្រមៃពីកុមារ»។

កីឡាករដែលទើបតែបង្ហាញខ្លួនលើកដំបូង កាលពីឆាំមុននេះ Reinier ជាផ្នែកមួយដ៏សំខាន់ ដែលជួយឱ្យក្រុម Flamengo ឈ្នះលីគប្រេស៊ីល និង Copa Libertadores កាលពីរដូវកាលមុន និងជាកីឡាករបម្រុង មិនត្រូវបានប្រើក្នុងការប្រកួតផ្ដាច់ព្រ័ត្រពាន Club World Cup កាលពីខែធ្នូទល់នឹង ក្រុមហង្សក្រហម Liverpool។

ខ្សែបម្រើប្រយុទ្ធកណ្ដាលវ័យ១៨ឆ្នាំ បានចាកចេញពី Flamengo ទៅចូលរួមក្លឹបស្ដេច-សនៅ La Liga ក្នុងតម្លៃខ្លួន ២៦លានផោន កាលពីខែកមរាកន្លងទៅ។

កីឡាករ Top Scorer ពានរង្វាន់ World Cup ឆ្នាំ២០១៨ ក្រោកអាយុ១៦ឆ្នាំនៅឌូបៃរូបនេះ ជាយុវជនប្រេស៊ីលទី៣ហើយ ដែលបានចូលរួមជាមួយ Real ក្នុងរយៈពេលពីរឆ្នាំចុងក្រោយ បន្ទាប់ពី Vinicius Junior និង Rodrygo៕

ប្រភព៖ BBC ប្រែសម្រួល៖ អ៊ុំ សុភក្តិ