កីឡាករបារាំងម្នាក់ ពិន័យមិនឲ្យលេង ៥ឆ្នាំ បន្ទាប់ពីខាំរបស់សំខាន់គូប្រកួត
- 2020-02-19 13:20:59
- ចំនួនមតិ 0 | ចំនួនចែករំលែក 0
កីឡាករបារាំងម្នាក់ ពិន័យមិនឲ្យលេង ៥ឆ្នាំ បន្ទាប់ពីខាំរបស់សំខាន់គូប្រកួត
ចន្លោះមិនឃើញ
កីឡាករម្នាក់មកពីក្រុមមិនមែនអាជីពក្នុងស្រុកបារាំង Soetrich ត្រូវទទួលពិន័យ មិនឲ្យចូលរួមការប្រកួតក្នុងស្រុករយៈពេល ៥ឆ្នាំបន្ទាប់ពីកីឡាកររូបនេះបាន ខាំប្រដាប់ភេទគូប្រកួត។
ហេតុការណ៍ខាងលើនេះ កើតឡើងនៅចំណតរថយន្ត បន្ទាប់ការប្រកួតក្រុមមិនអាជីពដូចគ្នានៅក្នុងប្រទេសបារាំង គឺការប្រកួតរវាងក្រុម Soetrich និងក្រុម Terville តាំងពីថ្ងៃទី ១៧ខែវិច្ឆិកា ឆ្នាំ ២០១៩កន្លងមក ហើយទើបតែចែកចាយពេញបណ្ដាញសង្គមកាលពីពេលថ្មីៗនេះ។
មូលហេតុដែលឈានទៅដល់រឿងរ៉ាវខាងលើនេះ គឺដោយតែជនរងគ្រោះគឺកីឡាករមកក្រុមមិនអាជីព Terville បានឃាត់ជម្លោះរវាងជនបង្កហេតុខាងលើ និងកីឡាករម្នាក់មកពីក្រុមរបស់ខ្លួន។ តែជាលទ្ធផលជនបង្កហេតុនេះបានខាំប្រដាប់ភេទរបស់ខ្លួន ដែលតម្រូវឲ្យទៅមន្ទីរពេទ្យភ្លាមៗ និងដេរមុខរបួសរហូតទៅដល់ ១២ថ្នេរហើយត្រូវសម្រាក ៤ថ្ងៃ។
ក្នុងរឿងក្ដីខាងលើនេះ តម្រូវឲ្យជនបង្កដែលមកពីក្រុម Soetrich ទទួលពិន័យ មិនឲ្យចូលលេងការប្រកួត ៥ឆ្នាំ រីឯជនរងគ្រោះមកក្រម Terville ក៏ត្រូវផ្អាកមិនឲ្យលេងចំនួន ៦ខែផងដែរដោយសារប្រព្រឹត្តអំពើហិង្សាជួយឃាត់ជម្លោះខាងលើ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
