មណ្ឌលតាកែវ ក្រុមចូលរួមកាន់តែច្រើនរហូត ៤៨ក្រុម ពាន Tiger Street Football 2020
- 2020-02-21 09:06:08
- ចំនួនមតិ 0 | ចំនួនចែករំលែក 0
មណ្ឌលតាកែវ ក្រុមចូលរួមកាន់តែច្រើនរហូត ៤៨ក្រុម ពាន Tiger Street Football 2020
ចន្លោះមិនឃើញ
ពានរង្វាន់បាល់ទាត់ Tiger Street Football 2020 មណ្ឌលទី៧ ក្នុងខេត្តតាកែវ បានចាប់គូរួចហើយមុននេះ ខណៈក្រុមចូលរួមប្រកួតប្រជែងឆ្នាំនេះកើនឡើងរហូតដល់ ៤៨ក្រុម ត្រៀមរួចរាល់សម្រាប់ព្រឹកស្អែកនេះ ។
មណ្ឌលខេត្តតាកែវ នៅឆ្នាំ ២០១៩ ដែលជាឆ្នាំចាស់នោះគឺមានក្រុមចូលរួម ៣២ក្រុម និងជើងឯកប្រចាំមណ្ឌលកាលនោះបានលើក្រុម យានដ្ឋានសំណាង(១)។ សម្រាប់ការប្រកួតជាថ្មីនៅមណ្ឌលនេះ គឺមានក្រុមចូលរួមសរុប ៤៨ក្រុម នឹងចាប់ផ្ដើមប្រកួតពីព្រឹកថ្ងៃទី២២-២៣ ខែកុម្ភៈ ២០២០ នៅផ្សារបុរីរស្មី។ ក្នុងមណ្ឌលទី៧ នេះគឺតម្រូវយកក្រុមខ្លាំងចំនួន ៥ក្រុម បានឡើងទៅវគ្គផ្ដាច់ព្រ័ត្រនៅរាជធានីភ្នំពេញ ថ្ងៃទី២៩ ខែកុម្ភៈ ដល់ថ្ងៃទី១ ខែមីនា ២០២០។
មណ្ឌលទី៧ ខេត្តតាកែវ ក្រុមដែលអាចមកដាក់ពាក្យប្រកួតបានគឺមកពីបណ្ដាខេត្តដូចជា៖
តាកែវ ព្រៃវែង ស្វាយរៀង
ឈប់ទទួលពាក្យថ្ងៃទី១៩ ខែកុម្ភៈ ២០២០
ប្រកួតថ្ងៃទី២២-២៣ ខែកុម្ភៈ ២០២០
ជយលាភីមណ្ឌលខេត្តតាកែវនេះនឹងទទួលបានប្រាក់រង្វាន់៖
ក្រុមឈ្នះលេខ១ ទទួលបានប្រាក់រង្វាន់ ១ ៥០០ដុល្លារ
ក្រុមឈ្នះលេខ២ ទទួលបានប្រាក់រង្វាន់ ១ ០០០ដុល្លារ
ក្រុមឈ្នះលេខ៣ ទទួលបានប្រាក់រង្វាន់ ៥០០ដុល្លារ
ក្រុមឈ្នះលេខ៤ ទទួលបានប្រាក់រង្វាន់ ២០០ដុល្លារ
បន្ទាប់ពីបញ្ចប់ការប្រកួតនៅពេលថ្ងៃហើយនោះ Tiger Beer ក៏មានការប្រគំតន្ត្រីចំនួន២យប់ផងដែរ នៅរាត្រីថ្ងៃទី២២ និងថ្ងៃទី២៣ មានផ្សាយផ្ទាល់តាមទូរទស្សន៍រស្មីហង្សមាស ដែលមានតារាងចម្រៀងល្បីៗឈ្មោះនៅកម្ពុជាដូចជា ព្រាប សុវត្ថិ ណុប ប៉ារិទ្ធ ZONO និងអ្នកចម្រៀងមួយចំនួនទៀត៕