រដ្ឋមន្ត្រីសាធារណការ ដឹកនាំក្រុមការងារជិះកង់ពិនិត្យស្ថានភាពផ្លូវ
- 2020-02-22 04:42:56
- ចំនួនមតិ 0 | ចំនួនចែករំលែក 0
រដ្ឋមន្ត្រីសាធារណការ ដឹកនាំក្រុមការងារជិះកង់ពិនិត្យស្ថានភាពផ្លូវ
ចន្លោះមិនឃើញ
ឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំក្រុមការងារ ជិះកង់ដើម្បីត្រួតពិនិត្យស្ថានភាពផ្លូវជាតិលេខ ២១ ដែលមានទីតាំងនៅស្រុកកោះធំ ខេត្តកណ្ដាល។
បើតាមទំព័រហ្វេសប៊ុករបស់ក្រសួងសាធារណការ និងដឹកជញ្ជូន ឯកឧត្ដមទេសរដ្ឋមន្ត្រី ក្រៅពីត្រួតពិនិត្យផ្លូវ ក៏អញ្ជើញត្រួតពិនិត្យការសាងសង់អាងទឹកនៅក្នុងកីឡដ្ឋានស្រុកកោះធំផងដែរ។ លើសពីនេះទៅទៀត ឯកឧត្ដមក៏បានអញ្ជើញសាកសួរបងប្អូនប្រជាពលរដ្ឋនៅស្រុកស្រែចម្ការ ព្រមទាំងបងប្អូនកម្មករ កម្មការិនីកាត់ដេរផងដែរ។
គួរបញ្ជាក់ផងដែរថា យុទ្ធនាការជិះកង់ត្រួតពិនិត្យផ្លូវត្រូវបានដាក់ចេញកាលពីប៉ុន្មានឆ្នាំកន្លងទៅ។ បើយោងតាមការលើកឡើងរបស់ឯកឧត្ដមទេសរដ្ឋមន្ត្រី នាពេលកន្លងមកបានឲ្យដឹងថា ការជិះកង់មើលផ្លូវបែបនេះ គឺមានប្រសិទ្ធភាពជាងការជិះឡាន។
នេះក៏ព្រោះតែការជិះកង់អាចមើលបានទំហំខូចខាតផ្លូវគ្រប់ជ្រុងជ្រោយ ចំណែកឯការជិះឡានពេលខ្លះ ធ្វើឲ្យក្រុមការងារងងុយគេងក្នុងឡាន៕
ខាងក្រោមនេះជាវីដេអូ៖