ឪពុក Jovic សុខចិត្តឲ្យកូនទៅជាប់គុក ប្រសិនបើរកឃើញថាខុសមែន

2020-03-23 13:49:03
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Milan Jovic ឪពុករបស់ខ្សែប្រយុទ្ធ Real Madrid កីឡាករ Luka Jovic បាននិយាយទៅកាន់ Puls Online កាលពីពេលថ្មីៗនេះថា ខ្សែប្រយុទ្ធរូបនេះនឹងទៅជាប់ពន្ធនាគារ ប្រសិនបើទោសទណ្ឌនៃបទល្មើសនឹងបម្រាមស្វ័យចត្តាឡឺស័ក ក្រោយមកពីអេស្ប៉ាញតម្រូវឲ្យធ្វើដូច្នេះ។

លោក Milan បាននិយាយថា ៖ " Luka បានធ្វើការតេស្ដស្វែងរកជំងឺកូវីដ ១៩ចំនួនពីរដងមកហើយប៉ុន្តែសុទ្ធតែអវិជ្ជមាន ម្ល៉ោះហើយទើបគេថាគេអាចមកប្រទេសស៊ែបបាន។តែឥឡូវហ្នឹងគេហាក់ដូចជាឧក្រិដ្ឋជនមួយជញ្ជឹង។ប្រសិនបើគេត្រូវជាប់គុក គេនឹងហ៊ានទៅជាប់ភ្លាម។ ខ្ញុំឯកភាពទៅនឹងការចោទប្រកាន់បទឧក្រិដ្ឋរបស់ប្រធានាធិបតីនិងនាយករដ្ឋមន្ត្រីប្រទេសស៊ែបតែប្រសិនបើរកឃើញថា Luka ខុសមែន " ។

ឪពុករបស់ Luka បានបន្តថា ៖ " ខ្ញុំពិតជាគាំទ្រលើចំណាត់ការហ្នឹងមែន ប្រសិនបើ Luka ពិតជាបានធ្វើខុសមែន តែនេះគេគ្រាន់តែត្រលប់មកផ្ទះវិញនៅប្រទេសនេះប៉ុណ្ណោះ។ ណាមួយសង្សាររបស់គេ Sofia កំពុងមានផ្ទៃពោះអញ្ចឹងបានអត់បានចេញក្រៅទៅធ្វើពិធីខួបកំណើត ហើយមានរូបខ្លះទៀតបានបញ្ជាក់ថាគេទាំងពីរបានចេញក្រៅប្រារព្ធពិធីនេះ តែរូបភាពនេះកាលពីពួកគេនៅអេស្ប៉ាញទេ " ។

គួរបញ្ជាក់ផងដែរថា ក្លឹប Real Madrid បានចេញប្រកាសដោយឲ្យកីឡាករឈុតធំរបស់ខ្លួន រស់នៅដាច់ដោយឡែកពីគេ ដោយសារតែភ័យខ្លាចកីឡាកររបស់ខ្លួនឆ្លងជំងឺកូវីដ ១៩ ។ ចំណែកឯ Jovic វិញបានសុំច្បាប់ពីក្លឹប មុននឹងមកស្រុកកំណើត តែកាលពីប៉ុន្មានថ្ងៃមុន គេបានចេញទៅក្រៅផ្ទះ ដែលបង្កឲ្យការរិះគន់យ៉ាងខ្លាំង ពីថ្នាក់ប្រធានាធិបតី រហូតដល់ប្រជាជនធម្មតា៕

ប្រភព៖ Goal ប្រែសម្រួល៖ ហ៊ីម រស្មី