មនុស្សម្នានាំគ្នាសម្ងំនៅផ្ទះ សត្វព្រៃវាយលុកទីសាធារណៈម្ដង
- 2020-03-31 03:15:00
- ចំនួនមតិ 0 | ចំនួនចែករំលែក 0
មនុស្សម្នានាំគ្នាសម្ងំនៅផ្ទះ សត្វព្រៃវាយលុកទីសាធារណៈម្ដង
ចន្លោះមិនឃើញ
ផ្លូវថ្នល់ស្ងប់ស្ងាត់ ទីផ្សារគ្មានមនុស្សដើរ គឺជាឱកាសដ៏ល្អបំផុតសម្រាប់ចេញដើរតាមចិត្ត ដែលពួកសត្វព្រៃបានរង់ចាំជាយូរមកហើយ។
ខណៈពិភពលោក កំពុងឈឺក្បាល វិលមុខដោយវីរុស Covid 19 នៅតែបន្តរាតត្បាតមិនឈប់ឈរនោះ រដ្ឋាភិបាលប្រទេសមួយចំនួន បានតម្រូវឲ្យពលរដ្ឋខ្លួន ឲ្យនៅក្នុងផ្ទះ ដែលធ្វើឲ្យផ្លូវថ្នល់ ទីផ្សារនានា ប្រែទៅជាស្ងាត់ជ្រងំ។
ទិដ្ឋភាពបែបនេះ បានធ្វើឲ្យកន្លែងជាច្រើនប្រែទៅជាស្ងប់ស្ងាត់ខ្លាំង។ យ៉ាងណាមិញ សភាពបែបនេះ គឺជាឱកាសដ៏ល្អបំផុតសម្រាប់សត្វព្រៃទាំងឡាយ ដោយយ៉ាងតិចបំផុត គេសង្កេតឃើញថា មាន៣ប្រទេសហើយ ដែលសត្វចេញដើរពេញផ្លូវទាំងកណ្ដាលថ្ងៃត្រង់។
ជាក់ស្ដែង នៅប្រទេសអ៊ីតាលី គេបានប្រទះឃើញជ្រូកព្រៃជាច្រើនក្បាល បានចេញរកចំណីនៅផ្លូវ។ រីឯនៅប្រទេសជប៉ុនវិញ ហ្វូងក្ដាន់មួយហ្វូងបានធ្វើដំណើរចេញពីព្រៃ ចូលក្រុង ដើរឆ្លងថ្នល់ពេញស្រុក ដែលធ្វើឲ្យប្រជាជន ភ្ញាក់ផ្អើលជាខ្លាំង។
ចំណែកនៅប្រទេសថៃវិញ ដោយសារតែគ្មានភ្ញៀវទេសចរមកទស្សនានោះ បានធ្វើឲ្យហ្វូងស្វាដ៏ធំគ្មានចំណី ទើបរត់ចេញពីសួន ចូលក្រុងដើម្បីរកចំណី ដែលធ្វើឲ្យមនុស្សភិតភ័យជាខ្លាំង៕