មិនធម្មតា! Messi ទើបតែបានកាតក្រហម ២ ប៉ុណ្ណោះក្នុងអាជីពបាល់ទាត់

2020-04-03 07:25:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធមុតស្រួចរបស់ Barcelona និងអាហ្សង់ទីន Lionel Messi ទើបទទួលបានកាតក្រហមតែពីរលើកប៉ុណ្ណោះ ចាប់តាំងពីប្រកបអាជីពបាល់ទាត់ ក្លាយជាតារាឆ្នើមល្បីល្បាញលើពិភពលោកមក។

Messi ប៉ះជាមួយខ្សែការពារ Medel ឆ្នាំ២០១៩ ពាន Copa America

កាតក្រហមទី១របស់កីឡាករជំនាញជើងឆ្វេង គឺពេលរូបគេចូលលេងឱ្យជម្រើសជាតិអាហ្សង់ទីនជាលើកដំបូង ក្នុងការប្រកួតមិត្តភាពអន្តរជាតិជាមួយប្រទេសហុងគ្រី កាលពីថ្ងៃទី១៥ ខែសីហា ឆ្នាំ២០០៥។

កាលនោះម្ចាស់ជើងឯក Ballon d'Or ៦សម័យកាល ត្រូវបានប្ដូរចូលជំនួសកីឡាករ Lisandro Lopez នៅនាទី៦៤ ប៉ុន្តែលេងបាន២នាទីប៉ុណ្ណោះ រូបគេត្រូវបានអាជ្ញាកណ្ដាលឱ្យកាតក្រហមបណ្ដេញចេញ ក្រោយខ្សែប្រយុទ្ធអាហ្សង់ទីនវ័យ១៨ឆ្នាំ វាសដៃត្រូវមុខ Vilmos Vancza ពេលកីឡាករហុងគ្រីទាញអាវ Messi។

ចំណែកកាតក្រហមទី២ Messi ទទួលបាននៅថ្ងៃទី៦ ខែកក្កដា ឆ្នាំ២០១៩ ពេលអាហ្សង់ទីនឈ្នះប្រទេសឈីលី ២-១ ក្នុងពានរង្វាន់ Copa America។ កាលនោះ Messi ប៉ះគ្នាជាមួយខ្សែការពារ Medel ហើយ Messi ត្រូវអាជ្ញាកណ្ដាលឱ្យកាតក្រហម ដោយសារកាយវិការរបស់គេ។

ចាប់តាំងពីលេងបាល់ទាត់មក ទាំងជាយុវជននិងឈុតធំរបស់ក្លឹបនិងប្រទេស ខ្សែប្រយុទ្ធកម្ពស់១,៧០ម៉ែត្រ ពូកែញាក់វ័យ៣២ឆ្នាំ លេងបានជាង ៦០០ប្រកួត ហើយរូបគេទើបទទួលបានកាតប្រហមតែ២ប៉ុណ្ណោះក្នុងអាជីពបាល់ទាត់។

លេងឱ្យក្លឹប Barcelona