ចូលមើលយន្តហោះឯកជនជួលរបស់ Messi តម្លៃ១២លានផោនទំនើបមិនធម្មតា
- 2020-04-06 03:55:59
- ចំនួនមតិ 0 | ចំនួនចែករំលែក 0
ចូលមើលយន្តហោះឯកជនជួលរបស់ Messi តម្លៃ១២លានផោនទំនើបមិនធម្មតា
ចន្លោះមិនឃើញ
ក្នុងនាមជាកីឡាករបាល់ទាត់រកចំណូលបានខ្ពស់ជាងគេម្នាក់ Lionel Messi មានយន្តហោះឯកជនមួយគ្រឿងដែលមានតម្លៃ១២លានផោន សម្រាប់ដឹកក្រុមគ្រួសារធ្វើដំណើរពេលចាំបាច់។
យន្តហោះមួយគ្រឿងនេះផលិតដោយក្រុមហ៊ុនរបស់ប្រទេសអាហ្សង់ទីន និងរចនាសម្រាប់គ្រួសាររបស់ Messi ផ្ទាល់តែម្ដង។ នៅខាងក្នុងយន្តហោះមានរៀបចំបរិក្ខារយ៉ាងប្រណិត រួមមានផ្ទះបាយផ្ទាល់ខ្លួន បន្ទប់ទឹកពីរ និងកន្លែងអង្គុយសម្រាប់មនុស្ស១៦នាក់។
អ្វីដែលកាន់តែពិសេសនោះ កៅអីទាំងអស់អាចបត់ធ្វើជាគ្រែដេកបានចំនួន៨។ មុននឹងឡើងដល់យន្តហោះ នៅលើកាំជណ្ដើរមានសរសេរឈ្មោះរបស់ Messi និងគ្រួសារដែលមានប្រពន្ធនាង Antonella បូកជាមួយកូនៗ ទាំង៣ Thiago, Ciro និង Mateo។
ត្បិតតែយន្តហោះមាននិមិត្តសញ្ញាលេខ១០នៅខាងចុងកន្ទុយ ប៉ុន្តែវាមិនមែនជាកម្មសិទ្ធិរបស់ Messi ឡើយ ពោលគេបានជួលវា។ យ៉ាងណាកាលពីពេលថ្មីៗកន្លងទៅ យន្តហោះមួយគ្រឿងនេះត្រូវបានរាយការណ៍បានចុះចតបន្ទាន់នៅទីក្រុងប្រ៊ុចសែល ប្រទេសបែលហ្សិក ដោយសារតែយន្តហោះមានបញ្ហាបច្ចេកទេស៕