Apple ផលិតគ្រឿងបរិក្ខារពេទ្យ ដើម្បីជួយអាមេរិកប្រយុទ្ធជំងឺកូវីដ១៩
- 2020-04-06 07:22:02
- ចំនួនមតិ 0 | ចំនួនចែករំលែក 0
Apple ផលិតគ្រឿងបរិក្ខារពេទ្យ ដើម្បីជួយអាមេរិកប្រយុទ្ធជំងឺកូវីដ១៩
ចន្លោះមិនឃើញ
ជាការចូលរួមចំណែកជួយបុគ្គលិកវិស័យសុខាភិបាលការពារខ្លួនពីការផ្ទុះនូវជំងឺកូវីដ១៩ ក្រុមហ៊ុន Apple បានចាប់ផ្ដើមផលិតគ្រឿងបរិក្ខារពេទ្យ។
ក្នុងវីដេអូដែលបង្ហោះលើគណនី Twitter របស់ខ្លួន លោក Tim Cook បានរៀបរាប់ថា Apple បានប្រមូលផ្ដុំនូវអ្នកឌីហ្សាញផលិតផល វិស្វករ ក្រុមប្រតិបត្តិការនិងវេចខ្ចប់ និងដៃគូផ្គត់ផ្គង់របស់ខ្លួន ដើម្បីឌីហ្សាញ ផលិត និងដឹកជញ្ជូនឧបករណ៍ការពារមុខសម្រាប់បុគ្គលិកវិស័យសុខាភិបាល។ ការដឹកជញ្ជូនលើដំបូងរបស់ Apple គឺដឹកទៅឲ្យមន្ទីរពេទ្យ Kaiser នៅតំបន់ Santa Clara កាលពីសប្ដាហ៍កន្លងទៅ ដែលទទួលបានការឆ្លើយតបជាវិជ្ជមានពីក្រុមគ្រូពេទ្យ។
Apple នឹងផលិតឧបករណ៍ការពារមុខឲ្យបានច្រើនបំផុត ១ លានឧបករណ៦ក្នុងមួយសប្ដាហ៍។ បន្ថែមពីនេះតាមរយៈសង្វាក់ផលិតកម្មផ្គត់ផ្គង់ ក្រុមហ៊ុនក៏បានផ្ដល់ជូនម៉ាស់ចំនួន ២០ លានសម្រាប់គ្រូពេទ្យ និងគិលានុបដ្ឋាយិកាផងដែរ។ ម៉ាស់ទាំងនេះគឺម៉ាស់គុណភាពខ្ពស់ N95 ដែលអាចការពារកម្ទេចធូលីបានដល់ ៩៥%៕