កីឡាករនៅ PL មួយចំនួន បដិសេធមិនព្រមកាត់ប្រាក់ខែជួយក្លឹប

2020-04-06 13:47:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើបែលហ្សិក Kevin de Bruyne ប្រធានក្រុម Watford កីឡាករ Troy Deeney និងអ្នកចាំទី West Ham កីឡាករ Mark Noble បាននាំគ្នាបដិសេធមិនព្រមកាត់ប្រាក់ខែ ៣០ភាគរយទៅតាមសំណើរបស់អ្នកដឹកនាំលីគកំពូលអង់គ្លេសនេះ។

សាររបស់ពួកគេទាំង ៣នោះមានខ្លឹមសារថា ៖ " ពួកយើងសុខចិត្តយកប្រាក់ខែទៅឲ្យបុគ្គលិកសុខាភិបាលជាតិនៅក្នុងប្រទេសអង់គ្លេស ក៏មិនឲ្យលុយទាំងហ្នឹងទៅជួយអ្នកមានឡើយ " ។

សំណើកាត់ប្រាក់ខែ ៣០ភាគរយនេះត្រូវបានគេដឹងថា នឹងត្រូវកាត់ពីកីឡាកររហូតទៅដល់រយៈពេល ១២ខែឯណោះ គិតជាទំហំទឹកប្រាក់វិញជាង ៦១៤លានដុល្លារ ហើយធ្វើឲ្យខាតប្រាក់បង់ពន្ធចូលរដ្ឋជាងប្រមាណ ២៤៥លានដុល្លារ។

គួរបញ្ជាក់ផងដែរថា ការកាត់ប្រាក់ខែកីឡាករ ៣០ភាគរយនេះ គឺធ្វើឡើងក្នុងគោលបំណងជួយដល់ក្លឹប ដែលកំពុងតែជួបនឹងវិបត្តិសេដ្ឋកិច្ច ដោយសារតែជំងឺកូវីដ-១៩ ធ្វើការប្រកួតទាំងអស់ត្រូវបានអាក់ខាន៕

ប្រភព៖ The Sun ប្រែសម្រួល៖ ហ៊ីម រស្មី