Southampton អត់កាត់ប្រាក់ខែកីឡាករទេ តែធ្វើរឿងបែបនេះវិញ

2020-04-09 13:39:34
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករមកពីក្លឹបអង់គ្លេស Southampton រួមទាំងអ្នកដឹកនាំ និងគ្រូបង្គោលទាំងអស់នៅក្នុងក្លឹបនេះ បានធ្វើការឯកភាពគ្នានាថ្ងៃនេះ ក្នុងការពន្យារពេលបើកប្រាក់ខែ ១០ភាគរយរបស់ខ្លួន។

ការពន្យារពេលបើកប្រាក់ខែ ១០ភាគរយទាំងអស់គ្នានៅក្នុងក្លឹបខាងលើនេះ គឺធ្វើឡើងដើម្បីជួយដល់ក្លឹបនេះនាពេលខាងមុខ ដែលកំពុងរងនូវវិបត្តិសេដ្ឋកិច្ចដោយសារជំងឺកូវីដ-១៩។

យ៉ាងមិញ កីឡាករ ព្រមទាំងអ្នកដឹកនាំ និងគ្រូបង្គោលទាំងអស់នៅក្នុងនេះ បានឯកភាពពន្យារពេលបើកប្រាក់ខែ ១០ភាគរយ ចាប់ពីខែមេសានេះ រហូតដល់ខែមិថុនាឆ្នាំ២០២០ ខាងមុខនេះ។ បន្ទាប់មកខាងក្លឹប Southampton នឹងបើកប្រាក់ខែ ១០ភាគរយនេះទៅឲ្យកីឡាករ ព្រមទាំងអ្នកដឹកនាំ និងគ្រូបង្គោលទាំងអស់នៅពេលក្រោយ។

គួរបញ្ជាក់ផងដែរថា ក្លឹប Southampton ជាក្លឹបទីមួយហើយ ដែលបានពន្យារពេលបើកប្រាក់ខែកីឡាករ ខណៈដែលក្លឹបមួយចំនួនផ្សេងទៀតបានកាត់ប្រាក់ខែកីឡាករ ដើម្បីទ្រទ្រង់សេដ្ឋកិច្ចក្លឹបដែលកំពុងទទួលរងប៉ះពាល់ដោយសារតែជំងឺកូវីដ-១៩មួយនេះ៕

ប្រភព៖ theguardian ប្រែសម្រួល៖ ហ៊ីម រស្មី