តារាថៃណាខ្លះមានសំណាងបានសម្ដែងជាមួយកំពូលតារាជួរមុខរបស់កូរ៉េ?

2017-10-06 02:51:06
ចំនួនមតិ 0 | ចំនួនចែករំលែក 0

ចន្លោះមិនឃើញ

រួមការងារសិល្បៈជាមួយបរទេស គឺជាការរឹតចំណងមិត្តភាពកាន់តែស្អិតល្មួត រវាងប្រទេស និងប្រទេសជាមិត្ត។

លើកឡើងពីវិស័យសិល្បៈវិញ នាពេលកន្លងមកសង្កេតឃើញថា តារាថៃល្បីៗមួយចំនួន ក៏ធ្លាប់រួមសហការថតជាមួយតារាជួរមុខប្រចាំប្រទេសកូរ៉េផងដែរ។ តាមរយៈស្នាដៃរួមគ្នានោះ បានធ្វើឲ្យអ្នកគាំទ្រជាច្រើនមានការភ្ញាក់ផ្អើល និងសប្បាយចិត្តជាខ្លាំង ពេលឃើញតារាសំណព្វចិត្តរបស់ខ្លួនទាំង ២ប្រទេសមានឱកាសសម្ដែងជាមួយគ្នា៕

១. Mark Prin សម្ដែងជាមួយ Kim Tae Hee

អ្នកគាំទ្រមួយចំនួន ច្បាស់ជាបានជ្រាបស្រាប់ថា តារាស្រីជួរមុខកូរ៉េ Kim Tae Hee កម្រធ្វើដំណើរទៅប្រទេសថៃណាស់។ ប៉ុន្តែនាងបានធ្វើឲ្យអ្នកគាំទ្រទាំងអស់ រំភើបជាខ្លាំងពេលបាន ឃើញវត្តមាននាងមកសម្ដែងជាមួយ តារាថៃ Mark Prin។

២. Aum Patchrapa សម្ដែងជាមួយ Lee Min Ho

តារាប្រុសស្រីទាំង ២នេះ ត្រូវគេចាត់ទុកថា ជាកំពូលតារាប្រចាំប្រទេសថៃ និងកូរ៉េ។ ក្រោយឃើញស្នាដៃសម្ដែងរបស់ពួកគេ អ្នកគាំទ្រពិតជាពេញចិត្ត និងរីករាយណាស់។

៣. James Ma សម្ដែងជាមួយ Hahm Eun Jung

ដោយសារត្រូវសម្ដែងក្នុងរឿងកុនខ្នាតធំ "Micro Love” ទើប Eun Jung ឡើងចុះប្រទេសថៃញឹកញាប់ រហូតគិតថា ថៃជាប្រទេសទី ២របស់ខ្លួនទៀតផង។ ក្នុងរឿងនេះ Eun Jung សម្ដែងជាមួយ តារាប្រុសថៃ James Ma និងត្រូវប្រាស្រ័យទាក់ទងគ្នាជាភាសាអង់គ្លេស។ តាមរយៈសមិទ្ធផលនេះ ធ្វើឲ្យនាងសប្បាយចិត្តណាស់ ជាពិសេសបានរួមសហការជាមួយ ដៃគូសម្ដែងប្រកបដោយទេពកោសល្យ James Ma។

៤. Mew Nittha សម្ដែងជាមួយ Song Joong Ki

តារាប្រុសស្រីទាំង ២នេះ បានធ្វើឲ្យអ្នកគាំទ្រភ្ញាក់ផ្អើលមិនស្ទើរទេ ពេលចាប់ដៃគ្នាសម្ដែង។ ដោយសារមានឱកាសរួមការងារជាមួយកំពូលតារាប្រុសកូរ៉េ Song Joong Ki ទើបមានអ្នកគាំទ្រជាច្រើនលួចច្រណែននឹងសំណាងមួយនេះរបស់ តារាថៃ Mew។

៥. តួប្រុសក្នុងរឿង Hormones និងក្រុមចម្រៀង GOT 7

រឿងដែលពួកគេបានសម្ដែងរួមគ្នា គឺជាកុនខ្លី ហើយបើទោះរយៈពេលរួមការងារមានរយៈពេលខ្លីបន្តិចមែន ប៉ុន្តែពួកគេរាប់អានគ្នា និងស្រឡាញ់គ្នាណាស់។ មួយវិញទៀត បើទោះក្រុម GOT7 ជាក្រុមចម្រៀងកូរ៉េ ប៉ុន្តែក្នុងចំណោមសមាជិកទាំង ៧ ក៏មានម្នាក់ជាជនជាតិថៃគឺ BamBam៕

ចុចអាន៖

ប្រភព៖ undubzapp ប្រែសម្រួល៖ យី សុធារី