ប្រាក់ ធីវ៉ា ៖ សូមក្មេងៗជំនាន់ក្រោយបន្តប្រឹងប្រែង ដើម្បីអាចមានឱកាសដូចខ្លួន
- 2018-01-17 03:32:09
- ចំនួនមតិ 0 | ចំនួនចែករំលែក 0
ប្រាក់ ធីវ៉ា ៖ សូមក្មេងៗជំនាន់ក្រោយបន្តប្រឹងប្រែង ដើម្បីអាចមានឱកាសដូចខ្លួន
ចន្លោះមិនឃើញ
ក្រោយពេលទទួលបានឱកាសក្លាយជាទូតសុឆន្ទៈរបស់ក្រុមហ៊ុនសម្ភារៈកីឡា Mizuno កាលពីម្សិលមិញ តារាឆ្នើមរបស់ភ្នំពេញក្រោនរូបនេះបានផ្ដាំផ្ញើទៅកាន់ក្មេងៗជំនាន់ក្រោយ ឲ្យបន្តប្រឹងប្រែងហ្វឹកហាត់ ដើម្បីអាចទទួលបានឱកាសដូចជាខ្លួន។
ការក្លាយជាទូតសុឆន្ទៈរបស់ក្រុមហ៊ុនមួយនេះ ប្រាក់ ធីវ៉ា នឹងទទួលបានសម្ភារៈកីឡាដូចជាឯកសណ្ឋាន និងស្បែកជើង ពេញមួយឆ្នាំ២០១៨ ក្នុងការប្រើប្រាស់ដោយមិនអស់ប្រាក់។ ក្នុងពិធីសន្និសីទកាសែតនេះដែរ ប្រាក់ ធីវ៉ា បាននិយាយថា ខ្លួនពិតជាសប្បាយចិត្តក្នុងការទទួលបានឱកាសល្អមួយនេះ។ យ៉ាងណារូបគេ នឹងបន្តប្រឹងប្រែងឲ្យកាន់តែខ្លាំង ដើម្បីតបស្នងទៅកាន់ក្រុមហ៊ុនវិញ។
អតីតយុវជនរបស់ភ្នំពេញក្រោនរូបនេះបន្ថែមថា សូមឲ្យក្មេងៗជំនាន់ក្រោយរបស់កម្ពុជាទាំងអស់កុំបោះបង់ក្ដីសង្ឃឹមរបស់ខ្លួន ហើយបន្តប្រឹងប្រែងបន្ថែមទៀត ដើម្បីអាចទទួលបានឱកាសបែបនេះ។ ការជ្រើសរើសយក ប្រាក់ ធីវ៉ា ធ្វើជាទូតសុឆន្ទៈរបស់ក្រុមហ៊ុនខាងលើប្រចាំនៅកម្ពុជានេះគឺមានរយៈពេល ១ ឆ្នាំ ហើយក្រុមហ៊ុននេះ នឹងសម្លឹងរកកីឡាករល្អផ្សេងៗបន្ថែមទៀត ដើម្បីជួយជ្រោមជ្រែងដល់វិស័យបាល់ទាត់កម្ពុជា៕