អម្ពរ ទេវី បញ្ជាក់រឿងកូនស្រីចូលសិល្បៈ(វីដេអូ)

2018-04-03 04:25:56
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនស្រីតារាសម្ដែងជើងចាស់ អម្ពរ ទេវី កំពុងតែទទួលបានការចាប់អារម្មណ៍យ៉ាងខ្លាំងពីសំណាក់អ្នកប្រើប្រាស់បណ្ដាញទំនាក់ទំនងសង្គម ក្រោយពីនាង បង្ហោះសកម្មភាពកូនស្រីរាំច្រៀងរួចមក។

ការបង្ហោះវីដេអូរាំច្រៀងរបស់កូនស្រី បានធ្វើឲ្យមតិមួយចំនួនបានលើកជាសំនួរឡើងថា "តើពេលកូនស្រីធំឡើងអាចចូលប្រឡូកសិល្បៈដូចម្ដាយដែរឬទេ?”។

ពាក់ព័ន្ធការចោទសួរខាងលើអ្នកនាង អម្ពរ ទេវី បាននិយាយថា កូនស្រីខ្លួនពិតជាស្រឡាញ់ និងចូលចិត្តសិល្បៈខ្លាំងណាស់ ឲ្យតែទំនេរពីការសិក្សា ដឹងតែបញ្ចេញសកម្មភាពរាំច្រៀង និងសម្ដែងឲ្យនាងមើលហើយ។ រីឯរឿងកូនស្រីធំឡើងចូលសិល្បៈ ឬ អត់នោះខ្លួនមិនទាន់ប្រាកដទេ គ្រប់យ៉ាងអាស្រ័យទៅលើកូនជាអ្នកសម្រេចចិត្តពេលធំឡើង។

តួឯកម្ដាយក្នុងរឿង"ទឹកចិត្តម្ដាយសម័យថ្មី" បានរៀបរាប់ថា៖" កូនស្រីបងគាត់មានទេពកោសល្យណាស់ ផ្នែកសិល្បៈហ្នឹង ឲ្យតែមានកម្មវិធីអីគាត់ដឹង តែឡើងរាំ និងច្រៀងហើយ អត់មានខ្មាសអៀនអីទេ"។

កូនស្រីអ្នកនាង អម្ពរ ទេវី មានឈ្មោះ Darlene Hap អាយុ ៨ ឆ្នាំ រៀនថ្នាក់ទី២ ។ ក្រៅពីមានទេពកោសល្យផ្នែកសម្ដែងហើយនោះកូនស្រីតារាសម្ដែងជើងចាស់រូបនេះក៏រៀនពូកែផងដែរ។ ជាក់ស្ដែងកាលពីពេលថ្មីៗនេះ កូនស្រីនាងបានទទួលលិខិតសរសើរពីសាលា ដែលសិក្សានៅអាមេរិក៕

អត្ថបទ៖ ឆុង ស៊ីណាន