ព្រះអើយ! ស្មានមិនដល់ Kim Soo Hyun ត្រូវបញ្ជូនទៅតំបន់គ្រោះថ្នាក់ដល់ម្ល៉ឹង
- 2018-04-10 05:10:00
- ចំនួនមតិ 0 | ចំនួនចែករំលែក 0
ព្រះអើយ! ស្មានមិនដល់ Kim Soo Hyun ត្រូវបញ្ជូនទៅតំបន់គ្រោះថ្នាក់ដល់ម្ល៉ឹង
ចន្លោះមិនឃើញ
តាំងពីចាកចេញទៅបំពេញកាតព្វកិច្ចជូនជាតិមាតុភូមិមក សុខទុក្ខយ៉ាងណារបស់ តួប្រុសក្នុងរឿង "សង្សារខ្ញុំមនុស្សភពផ្កាយ” មិនសូវបង្ហាញចេញមកឡើយ ជាហេតុធ្វើឲ្យអ្នកគាំទ្រមួយចំនួនព្រួយបារម្ភជាខ្លាំង។
ទោះជាយ៉ាងណា ពេលនេះព័ត៌មានមួយចំនួនស្ដីពីជីវិតប្រចាំថ្ងៃរបស់ Kim Soo Hyun ត្រូវបានបង្ហាញហើយ ហើយក្រោយជ្រាបរួចម្នាក់ៗសុទ្ធតែលាន់មាត់ថា លោកប្រថុយនឹងគ្រោះថ្នាក់ណាស់។ បច្ចុប្បន្ន Soo Hyun កំពុងបម្រើការនៅកងវរសេនាធំទី១ ដែលជាតំបន់ស្ថិតនៅភាគខាងជើងនៃប្រទេសកូរ៉េខាងត្បូង ជាប់ព្រំប្រទល់កូរ៉េខាងជើង។
ដោយសារតែភាពតានតឹងរវាងកូរ៉េខាងត្បូង និងកូរ៉េខាងជើងមិនទាន់រសាយពេញទី ទើប Kim Soo Hyun ត្រូវល្បាតតំបន់នេះជាទៀងទាត់ជាមួយកងវរសេនាតូចផ្សេងទៀត ដើម្បីតាមដានការឈ្លានពានរបស់សត្រូវ។ ការងាររបស់តារាប្រុសរូបនេះ ក៏ត្រូវរកមើលតំបន់មានមីន និងផ្លូវចៀសពីតំបន់គ្រោះថ្នាក់ទាំងនោះ។
ផ្អែកតាមព័ត៌មានទាំងនេះ អ្នកគាំទ្រទាំងឡាយកុំមានការព្រួយបារម្ភអ្វី ព្រោះ Soohyun សម្របខ្លួនយ៉ាងល្អក្នុងជីវិតជាទាហាន។ មន្ត្រីយោធាជាច្រើននាក់បានបង្ហើបថា តារាប្រុសរូបនេះ មានថ្វីដៃខ្ពស់ក្នុងការបាញ់កាំភ្លើង ហើយអំឡុងពេលហ្វឹកហាត់ លោកក៏យកចិត្តទុកដាក់ និងតែងធ្វើបានយ៉ាងល្អបំផុត។ ជាពិសេសបើនិយាយពីទំនាក់ទំនងរបស់ Kim Soo Hyun មិត្តរួមជំនាន់ទាំងអស់ពិតជាចុះសម្រុងនឹងគ្នាណាស់។ មួយវិញទៀត ដោយសារក្ដីស្រឡាញ់ជាមួយបងប្អូនក្នុងជួរទាហានបែបនេះ ទើបតួប្រុសក្នុងរឿង "សង្សារខ្ញុំមនុស្សភពផ្កាយ” នេះបដិសេធមិនផ្ដល់បទសម្ភាសណាមួយឡើយ ព្រោះមិនចង់ឲ្យមានបន្ទុកដល់ពួកគេទាំងនោះ។
យ៉ាងណាក្ដី រំលងប្រមាណ១ឆ្នាំទៀត ប្រុសស្អាតវ័យ ៣០ឆ្នាំនេះនឹងបញ្ចប់កាតព្វកិច្ចជាស្ថាពរ ពោលគឺនៅថ្ងៃទី ២២ ខែកក្កដា ឆ្នាំ ២០១៩៕