មិនធម្មតាទេ កំលោះសង្ហា ប៊ឺរី ហ៊ានប្រឈមនឹងរឿងព្រឺព្រួចបះសក់
- 2018-04-10 08:33:42
- ចំនួនមតិ 0 | ចំនួនចែករំលែក 0
មិនធម្មតាទេ កំលោះសង្ហា ប៊ឺរី ហ៊ានប្រឈមនឹងរឿងព្រឺព្រួចបះសក់
ចន្លោះមិនឃើញ
មនុស្សភាគច្រើនខ្លាចខ្មោចលង តែកំលោះសង្ហា ប៊ឺរី បែរជាហ៊ានស្នាក់ក្នុងផ្ទះ និងតំបន់មួយចំនួនដែលប្រជាជនតំណាលតៗគ្នាថា មានខ្មោចលងកាចសាហាវទៅវិញ។
មូលហេតុដែលតួឯកប្រុសក្នុងរឿង"ស្រទន់មន្តស្នេហ៍" ធ្វើរឿងដ៏ព្រឺព្រួចបែបនេះ គឺដើម្បីស្វែងរកការពិត និងអ្វីដែលថ្មីហើយប្លែកមកចែកជូនពុកម៉ែបងប្អូនទស្សនានៅតាមបណ្ដាញទំនាក់ទំនងសង្គមហ្វេសប៊ុក។ ម្យ៉ាងទៀតខ្លួនចង់ឃើញផ្ទាល់ និងភ្នែកថា នៅលើលោកនេះមានខ្មោចពិតមែនឬអត់ ព្រោះកន្លងមកឃើញតែខ្មោចក្នុងរឿង។
ប៊ឺរី និយាយថា ប្រសិនបើអំឡុងពេលចុះទៅបេសកកម្មក្នុងកម្មវិធីមួយនេះ ខ្លួន និងក្រុមការងារបានជួបខ្មោច ឬ ព្រាយបិសាចមែននោះជារឿងមួយល្អហើយ លោកជាមួយក្រុមការងារ នឹងយកសកម្មភាពដែលខ្មោចលងបន្លាចឲ្យបានដើម្បីធ្វើជាភស្តុតាង ថានៅលើលោកនេះពិតជាមានព្រលឹងខ្មោចតាមលងបន្លាចមែន។
ជាមួយអារម្មណ៍មិនខ្លាចរអាកំលោះសង្ហា ប៊ឺរី រៀបរាប់ថា៖ “អូ! បើសិនជាខ្មោចចេញមកលងពួកបងមែន ជាឱកាសល្អហើយពេលហ្នឹងទាំងរូបបង និងក្រុមការងារ ធានាថាផ្ដិតយកសកម្មភាពពិតៗហ្នឹងឲ្យបាន គឺបងហ៊ានធានាមិនឲ្យបាត់រូបហ្មង ព្រោះអីយើងចុះទៅកន្លែងអ៊ីចឹងគឺត្រូវការសកម្មភាពបែបហ្នឹង"។
កម្មវិធីនេះដែរ ប៊ឺរី បានសហការគ្នាជាមួយជាមួយ តាំង គីមស៊ួ និង ហេង នរៈកក្កដា ត្រៀមដំណើរការក្រោយពីចូលឆ្នាំថ្មីប្រពៃណីខ្មែររួច៕