Zayn ចង់ផ្ដើមចំណងស្នេហ៍ឡើងវិញ តែ Gigi នៅស្ទាក់ស្ទើរ

2018-05-02 02:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានថ្ងៃក្រោយរូបភាពថើបគ្នារបស់គូស្នេហ៍ Zayn Malik និង Gigi Hadid ត្រូវបានផ្សព្វផ្សាយនោះ តារាចម្រៀងប្រុសរូបនេះគឺបានត្រៀមខ្លួនដើម្បីចាប់ផ្ដើមចំណងស្នេហ៍ និងប្រកាសឲ្យគ្រប់គ្នាដឹងសារជាថ្មី នេះបើតាមប្រភពមួយប្រាប់ទៅវិបសាយ E!News។

ប្រភពនោះបានបញ្ជាក់ថា៖ "Zayn ពិតជាចង់រស់នៅជាមួយ Gigi ណាស់ ហើយលោកក៏បានបញ្ជាក់ឲ្យឃើញរឹតតែច្បាស់នោះដែរ។ លោកនឹកនាង ហើយពិតជាមិនអាចនៅឆ្ងាយពីនាងបានទេ"។

ទោះជាយ៉ាងណា បើតាមប្រភពជិតដិតមួយបាននិយាយថា៖ "Gigi នៅមានការស្ទាក់ស្ទើរក្នុងការសម្រេចចិត្តរបស់នាងក្នុងរឿងវិលត្រឡប់នេះវិញ"។

យ៉ាងណាមិញ ក្រោយរូបភាពថើបគ្នារបស់អតីតគូស្នេហ៍តារាមួយគូនេះត្រូវបានចែកចាយនោះ វាអាចបញ្ជាក់បានថា ទោះបីពួកគេមិនទាន់ត្រឡប់មករកគ្នាជាផ្លូវការយ៉ាងណាក្ដី ប៉ុន្តែពួកគេបានចាប់ផ្ដើមនិយាយ និងដើរលេងជាមួយគ្នាសារជាថ្មី នេះបើតាមប្រភពមួយបានបញ្ជាក់៕

ចុចអាន៖

ប្រភព៖ Eonline ប្រែសម្រួល៖ អន សុភក្ត្រា