សម្រស់កញ្ញាឯកចក្រវាលកម្ពុជា និងថៃក្នុងឈុតកូនក្រមុំកំពុងអង្រួនបេះដូងពេញពិភពលោក

2018-05-26 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បវរកញ្ញាចក្រវាលនៃប្រទេសកម្ពុជា និងថៃបានធ្វើឲ្យពិភពលោកស្ញប់ស្ញែងនឹងសម្រស់គ្រប់គ្នា ពេលបង្ហាញខ្លួនជាមួយឈុតបុរាណ។

រូបភាពពីទំព័រហ្វេសប៊ុក ASEAN Beauty Pageant

ដោយសារប្រពៃណីកម្ពុជា និងថៃមានលក្ខណៈស្រដៀងគ្នា ទើបឈុតបុរាណខ្លះមានការច្នៃម៉ូដដូចគ្នាបន្តិចបន្តួច។ តួយ៉ាងដូចឈុតប្រពៃណីដែល ស្រីស្អាតបវរកញ្ញាចក្រវាល ២រូប បង្ហាញដូចក្នុងរូបខាងលើ គឺសុទ្ធជាឈុតកូនក្រមុំ។

រូបភាពពីសម្អាងការ ឧត្តមរស្មី

ជាក់ស្ដែងស្រីស្អាត ប៊ី សុធារី ជាបវរកញ្ញាចក្រវាលកម្ពុជាឆ្នាំ ២០១៧ បានថតបង្ហាញឈុតកូនក្រមុំដ៏ស្រស់ស្អាត ឲ្យសម្អាងការមួយ។ សម្រស់ស្រស់សោភារមទមបែបនារីខ្មែររបស់ សុធារី បូករួមនឹងអាវកូនក្រមុំកកុដ ជាមួយនឹងសំពត់សំឡុយចាប់ក្បាច់បត់ដោយដៃផ្ទាល់នេះ ពិតជាធ្វើឲ្យនាងមានភាពលេចធ្លោថែមមួយកម្រិត។

មិនខុសគ្នាទេ ចំពោះបវរកញ្ញាចក្រវាលថៃ ឆ្នាំ ២០១៦ ដែលមានឈ្មោះថា Chalita Namtan Suansaen ក៏គ្រងឈុតកូនក្រមុំស្រដៀងគ្នានេះដែរ ថតឲ្យសម្អាងការនៅប្រទេសថៃ។ តាមព័ត៌មានបានឲ្យដឹងថា ឈុតកូនក្រមុំនេះ គឺសម្រាប់សែរាជវង្ស និងអ្នកដែលមកពីត្រកូលអភិជនស្លៀក ហើយប្រើសម្រាប់ពេលល្ងាច។ មួយឈុតនេះ មានតម្លៃដល់ទៅ ៣ ១៣០ដុល្លារ។ ប្លែកពីខ្មែរ ពោលគឺសំពត់ត្រូវបានដេរភ្ជាប់ ហើយភ្លីលម្អពីលើក៏ត្រូវដេរបន្ថែមដែរ មិនមែនបត់ផ្ទាល់ទេ។

ទោះបីមើលទៅឈុតទាំង ២ប្រទេសមានលក្ខណៈប្រហាក់ប្រហែលគ្នា ប៉ុន្តែក៏មានចំណុចខុសគ្នាច្រើនដែរ បើពិនិត្យឲ្យសព្វ។ ចំណុចខុសគ្នាមានដូចជា កអាវ ក្បូរក្បាច់រចនាលើអាវ គ្រឿងអលង្ការ ជាដើមដែលកើតចេញពីគំនិតតុបតែងរៀងៗខ្លួនសម្រាប់ភាពលេចធ្លោរបស់កូនក្រមុំ៕

អត្ថបទ៖ យី សុធារី