បញ្ចប់ការប្រកួត៤ថ្ងៃ សហព័ន្ធវាយកូនបាល់កម្ពុជា សរសើរក្រុមខេត្តសៀមរាបល្អជាងគេ

2018-05-28 10:34:45
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីធ្វើការប្រកួតតាំងពីថ្ងៃទី២៤ មកដល់ថ្ងៃនេះ ប្រភេទកីឡាវាយកូនបាល់បានបញ្ចប់ជាផ្លូវការហើយ សម្រាប់ការប្រកួតក្នុងព្រឹត្តិការណ៍កីឡាជាតិលើកទី២នេះ ដោយសហព័ន្ធសម្គាល់ឃើញថា ខេត្តសៀមរាប មានសមត្ថភាពខ្លាំង និងមានចំណុចល្អមួយចំនួនទៀត។

លោក ទេព រិទ្ធីវិទ្ធ អគ្គលេខាធិការ

លោក ទេព រិទ្ធីវិទ្ធ អគ្គលេខាធិការសហព័ន្ធវាយកូនបាល់កម្ពុជា បានឲ្យដឹងថា ការប្រកួតក្នុងកម្មវិធីកីឡាជាតិលើកទី២នេះ បានបញ្ចប់នាព្រឹកមិញនេះហើយនៅពហុកីឡដ្ឋានជាតិ។ តាមរយៈការប្រកួតប៉ុន្មានថ្ងៃនេះ សង្កេកឃើញថា ដំណើរការបានយ៉ាងរលូនល្អ ខណៈសមត្ថភាពកីឡាករមានការរីកចម្រើនខ្លាំងជាងមុនទៅទៀត។

ទិដ្ឋភាពពេលបិទព្រឹកមិញ

កីឡាករ កីឡាការិនីមកពីបណ្ដាខេត្តនានាក៏មានការរីកចម្រើនដែរ ដោយសារសហព័ន្ធបង្កើតកម្មវិធីច្រើននាពេលកន្លងមក ជាហេតុធ្វើឲ្យពួកគេបានប្រកួត ឬហ្វឹកហាត់បានច្រើនដង។ ការប្រកួតកីឡាជាតិនេះ សហព័ន្ធបានសម្លឹកឃើញមាន ២-៣នាក់ ដែលគួរឲ្យចាប់អារម្មណ៍ ហើយអាចនឹងក្លាយជាធនធានថ្មី។ ក្នុងខេត្តដែលចូលរួមទាំងអស់ សៀមរាប គឺមានសន្ទុះខ្លាំងជាងគេ ព្រោះទីនោះមានគ្រូជនជាតិម្នាក់ ហើយគេបានបង្រៀនដល់គ្រូៗខ្មែរបន្ថែមទៀត ធ្វើឲ្យកម្មវិធីហ្វឹកហាត់របស់គេល្អ និងមានច្រើន។

ទិដ្ឋភាពពេលបិទព្រឹកមិញ

កម្មវិធីកីឡាជាតិលើកទី២នេះ ចាប់ផ្ដើមបើកជាផ្លូវការពីថ្ងៃទី២៥ ខែឧសភា ឆ្នាំ២០១៨ ដោយឡែក ប្រភេទកីឡាវាយកូនបាល់កម្ពុជា ប្រកួតតាំងពីថ្ងៃទី២៤ មកម្ល៉េះ លើ៥វិញ្ញសា ហើយបានបញ្ចប់ និងប្រគល់មេដាយរួចរាល់នាព្រឹកមិញនៅពហុឡដ្ឋានជាតិ៕

អត្ថបទ៖ នួន ស៊ីណា