គណៈកម្មាធិការជាតិអូឡាំពិកកម្ពុជា លើកពីផែនការខ្លះៗជួយខេត្តដែលអត់មេដាយនៅកីឡាជាតិ

2018-06-06 02:36:47
ចំនួនមតិ 0 | ចំនួនចែករំលែក 0

ចន្លោះមិនឃើញ

គណៈកម្មការជាតិអូឡាំពិកកម្ពុជា លើកឡើងពីគម្រោងមួយចំនួនដើម្បី ជួយជំរុញទៅដល់ខេត្តដែលមិនឈ្នះមេដាយនៅក្នុងព្រឹត្តិការណ៍កីឡាជាតិលើកទី២ ដែលទើបនិងបញ្ចប់កាលពីថ្ងៃចន្ទ ទី៤ ខែឧសភា ២០១៨។

ឯកឧត្ដម វ៉ាត់ ចំរើន

ឯកឧត្ដម វ៉ាត់ ចំរើន អគ្គលេខាធិការ នៃ គណៈកម្មាធិការជាតិអូឡាំពិកកម្ពុជា បានឲ្យដឹងថា NOCC មិនព្រងើយកន្តើយនោះទេ ពោលគឺនឹងជួយទៅដល់ខេត្តប៉ៃលិនដែលមិនបានមេដាយនាព្រឹត្តិការណ៍ជាតិមួយនេះ។ សម្រាប់ផែនការដែលនឹងត្រូវធ្វើនេះរួមមាន ការអប់រំ បច្ចេកទេស និងទ្រឹស្ដី។

រូបភាពថ្ងៃកីឡាជាតិ

អគ្គលេខាធិការខាងលើបន្ថែមថា NOCC នឹងជំរុញឲ្យសហព័ន្ធជាតិផ្សេងៗដែលពាក់ព័ន្ធ សហការជាមួយមន្ទីរអប់រំយុវជន និងកីឡាខេត្ត ដើម្បីឲ្យពួកគាត់អាចស្វែងរកប្រភេទកីឡាណាដែលពេញនិយមមានការចូលចិត្តនៅទីនោះ និងស្វែងរកអ្នកដែលចេះខាងផ្នែកកីឡានានាបន្ថែមទៀត។ ឧទាហរណ៍ដូចជាតារាងបាល់ទះនៅទីនោះមានច្រើន ព្រមទាំងមានប្រភេទកីឡាមួយចំនួនទៀតដែលល្អដូច្នេះអាចជំរុញកីឡានេះឲ្យល្អប្រសើរ។ ទោះជាយ៉ាងនេះក្ដី NOCC នឹងធ្វើយុទ្ធសាស្ត្ររួមគ្នាជាមួយក្រសួងអប់រំ មិនអាចធ្វើតែម្នាក់ឯងបានទេ ដើម្បីបុកទៅបំប៉នទៅដល់ខេត្តដែលមិនបានមេដាយនេះ។

រូបភាពថ្ងៃកីឡាជាតិ

រំលឹកដែរថា ព្រឹត្តិការណ៍កីឡាជាតិលើកទី២នេះ ចាប់ផ្ដើមពីថ្ងៃទី២៥ ខែមិថុនា ហើយទើបតែបញ្ចប់កាលពីថ្ងៃចន្ទ ទី៤ ឧសភា ឆ្នាំ២០១៨ ដោយមានការចូលរួម ២៨ រាជធានី ខេត្ត ក្រសួង ប៉ុន្តែមានតែខេត្តប៉ៃលិននោះទេ ដែលមិនបានឈ្នះមេដាយសូម្បីតែមួយ៕

អត្ថបទ៖ នួន ស៊ីណា