ដំណឹងល្អ! អាហារូបករណ៍១០០%សម្រាប់សហគ្រិនស្ត្រីត្រៀមពង្រីកអាជីវកម្មចូលទីផ្សារអន្តរជាតិ

2018-06-25 05:07:24
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃពុធ ទី២៧ មិថុនា វេលាម៉ោង ៣ ដល់ ៥ រសៀល នឹងមានកម្មវិធីផ្ដល់ព័ត៌មានពីកម្មវិធីអាហារូបករណ៍ "កម្មវិធីអភិវឌ្ឍន៍អាជីវកម្មជាន់ខ្ពស់" (SHE Growth Accelerator Program) សម្រាប់សហគ្រិនស្ត្រីដែលត្រៀមខ្លួនក្នុងផ្លាស់ប្តូរពីអាជីវកម្មលក្ខណៈគ្រួសារទៅជាអាជីវកម្មផ្លូវការ ដើម្បីស្វែងរកការបណ្ដាក់ទុនបន្ថែម និងការចូលទីផ្សារអន្តរជាតិនាថ្ងៃអនាគត។

ដោយមើលឃើញថាបច្ចុប្បន្នសហគ្រិនស្ត្រីខ្មែរ តែ ២%ប៉ុណ្ណោះ ក្នុងចំណោម ៦០% បានចុះឈ្មោះក្នុងបញ្ជីពាណិជ្ជកម្ម ដូច្នេះ SHE Investments បានសហការជាមួយស្ថានទូតអង់គ្លេសនៅកម្ពុជាដើម្បីធ្វើការរួមគ្នាក្នុងការជួយលើកកម្ពស់សហគ្រិនស្ត្រីខ្មែរក្នុងការផ្លាស់ប្ដូរពីធុរកិច្ចធុនតូចទៅជាធុរកិច្ចផ្លូវការ។

អត្ថប្រយោជន៍ដែលទទួលបានពីអាហារូបករណ៍មានដូចជា៖

អាហារូបករណ៍វគ្គអភិវឌ្ឍអាជីវកម្មជាន់ខ្ពស់ ១០០% ដែលមានតម្លៃស្មើ ៩៩៥ដុល្លារអាមេរិក
ទទួលបានវគ្គបណ្ដុះបណ្ដាលជំនាញអាជីវកម្មរយៈពេល ៦ខែ
ទទួលបានការប្រឹក្សាយោបល់អាជីវកម្មជាមួយអ្នកជំនាញ
ទទួលការប្រឹក្សាយោបល់ក្នុងការចុះបញ្ជីពាណិជ្ជកម្មដោយឥតគិតថ្លៃ
អ្នកអាចមានឱកាសទទួលបានអាហារូបករណ៍ក្នុងការចុះឈ្មោះបញ្ជីពាណិជ្ជកម្មដែលមានតម្លៃចាប់ពី ១០០០ ដល់ ២០០០ ដុល្លារអាមេរិក។

លក្ខខណ្ឌដាក់ពាក្យចូលរួម ៖

ជាសហគ្រិនស្ត្រី
មានអាជីវកម្មទ្រង់ទ្រាយមធ្យមដែលមានមនុស្សចាប់ពីម្នាក់ទ្បើងទៅ
មានទីតាំងអាជីវកម្មនៅក្នុងកម្ពុជា
អាចធ្វើដំណើរមករៀននៅភ្នំពេញ ដោយរ៉ាប់សោហ៊ុយចំណាយផ្ទាល់ខ្លួន
ប្តេជ្ញាចិត្តមករៀនរយៈពេល ២ថ្ងៃជារៀងរាល់ខែ
មានការប្ដេជ្ញាចិត្តក្នុងការពង្រីកអាជីវកម្ម និង បង្កើតឱកាសការងារដល់ប្រជាជនផ្សេងទៀតនៅកម្ពុជា។

តើអ្នកជាសហគ្រិនស្ត្រីដែលចង់សម្រេចក្តីស្រមៃអាជីវកម្ម សូមចុះឈ្មោះចូលរួមកម្មវិធីយើង?

ប្រញាប់ឡើង! ចុះឈ្មោះចូលរួមថ្ងៃនេះតាមរយៈ "កម្មវិធីអភិវឌ្ឍន៍អាជីវកម្មជាន់ខ្ពស់"។ ឈប់ទទួលពាក្យថ្ងៃ សុក្រ ទី៦ កក្កដា ឆ្នាំ ២០១៨។

ព័ត៌មានបន្ថែមសូមចូលទៅវិបសាយ SHE Investments ឬ ហ្វេសប៊ុកផ្លូវការ SHE Investments។

លេខទាក់ទង៖ 012 30 49 46/ 085 578 378/010 354 605៕

អត្ថបទ៖ លីដា