ជុំវិញព័ត៌មាន Angelina គ្រោងយកក្មេងមកចិញ្ចឹមម្នាក់ទៀត តើ Brad គិតយ៉ាងណា?
- 2018-08-04 04:40:41
- ចំនួនមតិ 0 | ចំនួនចែករំលែក 0
ជុំវិញព័ត៌មាន Angelina គ្រោងយកក្មេងមកចិញ្ចឹមម្នាក់ទៀត តើ Brad គិតយ៉ាងណា?
ចន្លោះមិនឃើញ
ប្រភពព័ត៌មានថ្មីចេញពីទស្សនាវដ្ដី OK បានបង្ហើបប្រាប់ថា កំពូលតារាហូលីវូដ Angelina Jolie កំពុងមានគម្រោងសុំក្មេងម្នាក់ទៀតយកមកចិញ្ចឹម ក្រោយបញ្ចប់ការងារថតកុនចប់។
យោងតាមដំណឹងមួយចេញពីទស្សនាវដ្ដី OK បានផ្សាយថា «Angelina កំពុងត្រៀមគម្រោងសុំកូនក្មេងម្នាក់ទៀតមកចិញ្ចឹមឲ្យបានឆាប់តាមដែលអាចធ្វើបាន ក្រោយការងារថតកុន និងផ្សព្វផ្សាយរឿងថ្មីមានចំណងជើងថា Maleficent 2 បញ្ចប់រួចរាល់»។ ប្រភពដដែលក៏បានបន្ថែមថា តារាស្រីរូបនេះ គិតថាវាជាពេលសមរម្យមួយក្នុងការទទួលយកកូនមកចិញ្ចឹមថែម ស្របពេលបច្ចុប្បន្ន កូនទាំង ៦របស់នាងធំលូតលាសជាបន្តបន្ទាប់ និងថ្ងៃមុខពួកគេត្រូវរស់នៅឆ្ងាយពីនាងជាម្ដាយ។
ដោយឡែក បើផ្អែកតាមវិបសាយ Hollywood Life វិញ បានបង្ហើបថា Brad Pitt មិនចង់ឲ្យអតីតភរិយាខ្លួនយកក្មេងមកចិញ្ចឹមថែមនៅវ័យនេះទេ។ លោកស្រឡាញ់កូនៗទាំងអស់ដែលខ្លួនកំពុងមានសព្វថ្ងៃនេះណាស់ ហើយក៏មិនចង់បានកូនថែមដែរ ឬចង់ឲ្យគ្រួសារមានសមាជិកច្រើនជាងនេះដែរ។
ទាក់ទងព័ត៌មានដដែលនេះ Brad Pitt ក៏គ្មានការភ្ញាក់ផ្អើលអ្វីដែរ ឬហ្មងសៅអ្វីឡើយ ចំពោះពាក្យចចាមអារ៉ាមទាំងនេះ ព្រោះជាធម្មតា ឲ្យតែ Angelina មានបំណងយកក្មេងមកចិញ្ចឹមថែមនេះ។ គ្រាន់តែអ្វីដែលលោកកំពុងគិតពេលនេះ គឺធ្វើយ៉ាងណា ក្លាយជាឪពុកល្អ ផ្ដល់ការយកចិត្តទុកដាក់ និងក្ដីស្រឡាញ់កាន់តែច្រើនដល់កូនៗ៕