កូនប្រុស ព្រាប សុវត្ថិ បង្ហាញខ្លួន ជាមួយ ឱក សុគន្ធកញ្ញា កក្រើក Major Cineplex Aeon សែនសុខ

2018-08-21 04:27:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងឱកាសសម្ពោធជាផ្លូវការរោងភាពយន្តទំនើប Major Cineplex by Smart សាខាទី៤ កន្លែងបោះបូលីង Cambodia Blu O រោងភាពយន្ត Cambodia IMAX និង Prince VIP Hall នៅក្នុងផ្សារទំនើប អីុអន សែនសុខ កូនប្រុសតារាចម្រៀង ព្រាប សុវត្ថិ ២នាក់ មាន សុវត្ថិ មុន្នីវណ្ណ សុវត្ថិ សិរីវុឌ្ឍ បង្ហាញខ្លួនជាមួយ កំពូលតារាចម្រៀង ឱក សុគន្ធកញ្ញា និងតារាប្រុសស្រីជាច្រើនរូបទៀត បង្កើនបរិយាកាសកាន់តែសប្បាយរីករាយ។

ឱក សុគន្ធកញ្ញា

សុវត្ថិ មុន្នីវណ្ណ សុវត្ថិ សិរីវុឌ្ឍ

រោងភាពយន្ត Major Cineplex by Smart សាខាទី ៤ នេះមានកន្លែងអង្គុយដល់ទៅ ២ ០៨៥ កន្លែង ក្នុងរោង ដល់ទៅ ៨ ប្រកបដោយផាសុកភាព។ លោក សៅ សុខនី នាយកគ្រប់គ្រងរោងភាពយន្ត Major Cineplex by Smart បានប្រាប់ឱ្យដឹងថា រោងភាពយន្តជាទីកន្លែងកម្សាន្តដ៏សំខាន់សម្រាប់ប្រជាពលរដ្ឋទូទៅស្របនឹងកំណើនសេដ្ឋកិច្ច។

ដោយសារតម្រូវការសេវាកម្សាន្តដែលមានផាសុកភាព ទំនើប និងមានឧត្ដមភាពក៏កាន់តែកើនឡើង ការបង្កើនគុណភាព និងចំនួនរោងភាពយន្តក៏បានចូលរួមជួយដល់ផលិតករភាពយន្តក្នុងស្រុកមានឱកាសកាន់តែច្រើនបន្ថែមទៀតដើម្បីផ្សព្វផ្សាយពីភាពយន្តរបស់ខ្លួនដល់មហាជន នេះបើតាមការបញ្ជាក់របស់ លោក សៅ សុខនី។

CEO ក្រុមហ៊ុន Sabay Digital ជាមួយដៃគូវិនិយោគ មានក្រុមហ៊ុន Smart Axiata និង Khmer Beverage

ជាមួយគ្នានោះលោក ជី សិលា នាយកប្រតិបត្តិក្រុមហ៊ុន Sabay Digital ជាមួយដៃគូវិនិយោគ មានដូចជាក្រុមហ៊ុន Smart Axiata និងក្រុមហ៊ុន Khmer Beverage ក៏បានបង្ហាញឆន្ទៈដូចគ្នាគឺនាំយកអ្វីដែលប្លែក ទំនើប និងសប្បាយរីករាយ ផ្ដល់ជូនដល់អតិថិជន ហើយចំពោះការវិនិយោគលើរោងភាពយន្តក្នុងប្រទេសជាមោទកភាពសម្រាប់ជាតិ និងដើម្បីរួមគ្នាអភិវឌ្ឍកិត្យានុភាពរបស់ជាតិខ្មែរដូចគ្នា។

លើសពីនោះទៀត លោក ជី សិលា ក៏ប្រាប់ពីជំហរក្នុងការនាំយកសេវាកម្សាន្តថ្មីៗទៀតមកកាន់ប្រទេសកម្ពុជា និងពង្រីកបន្ថែមសេវាកម្មល្អៗបន្ថែមទៀតក្នុងរោងភាពយន្ត Major Cineplex by Smart ដើម្បីអតិថិជនទទួលបាននូវបទពិសោធន៍កម្សាន្តល្អៗក្នុងពេលខាងមុខ៕

ទិដ្ឋភាពសម្ពោធរោងភាពយន្ត Major Cineplex by Smart អ៊ីអន២