YG ហក់ឡើងកំពូលតារាង ដោយវ៉ាដាច់ SM និង JYP
- 2018-11-03 07:20:03
- ចំនួនមតិ 0 | ចំនួនចែករំលែក 0
YG ហក់ឡើងកំពូលតារាង ដោយវ៉ាដាច់ SM និង JYP
ចន្លោះមិនឃើញ
ថ្មីៗនេះ តារាង Gaon Chart បានប្រកាសជាផ្លូវការនូវទិន្នន័យចំណាត់ថ្នាក់អ្នកឈ្នះកំពូលទាំង ៣ប្រចាំប្រទេសកូរ៉េ នាឆ្នាំ ២០១៨នេះ។
ផ្អែកតាមលទ្ធផល ផលិតកម្ម YG បានយកឈ្នះគេ ជាមួយពិន្ទុ ៤៩ភាគរយ។ ភាពជោគជ័យនេះ មួយភាគធំបានមកពីលទ្ធផលនៃការវិលមកវិញរបស់ BLACKPINK ពិសេសតាមរយៈបទ "Ddu-Du Ddu-Du” និង "Forever Young”។ ទោះជាយ៉ាងណាក៏ជាការជ្រោមជ្រែងរបស់ក្រុមបុរស ២ទៀតរបស់ផលិតកម្មគឺ iKON និង WINNER ដែរ។
សម្រាប់តំណែងលេខ ២គឺ SM ជាមួយពិន្ទុ ៣០ភាគរយនៃលទ្ធផលសរុប ក្រោយមានការចេញមុខរបស់ Red Velvet។ ដោយឡែកទោះបីប៉ុន្មានថ្ងៃមុន EXO មិនទាន់ចេញបទថ្មី ប៉ុន្តែចំនួនគាំទ្រអាល់ប៊ុមតាំងពីឆ្នាំមុននៅតែមានរហូតដល់បច្ចុប្បន្ន បូករួមនឹងការគាំទ្របទរបស់ក្រុមតូច EXO-CBX ដូចនេះយ៉ាងហោចណាស់ ក៏អាចធ្វើឲ្យ SM ឈរនៅតំណែងទី ២ដែរ។
ស្របពេលជាមួយគ្នានេះដែរ JYP បានត្រឹមតែ ២១ភាគរយប៉ុណ្ណោះ ហើយបើទោះ TWICE និង GOT7 ចេញបទចម្រៀងហូរហែ ប៉ុន្តែសង្កេតឃើញថា ក្រុមទាំង ២របស់ JYP នេះ ដូចជាមិនអាចយិតយោងផលិតកម្ម ឈានទៅតំណែងកំពូលផុតលេខបានឡើយសម្រាប់ឆ្នាំនេះ៕