កម្មវិធីពានរង្វាន់សហគ្រិនវ័យក្មេងកម្ពុជាបើកសម្ពោធទទួលពាក្យប្រកួតប្រជែងសម្រាប់ឆ្នំា ២០១៩នេះ
- 2019-03-25 03:25:04
- ចំនួនមតិ 0 | ចំនួនចែករំលែក 0
កម្មវិធីពានរង្វាន់សហគ្រិនវ័យក្មេងកម្ពុជាបើកសម្ពោធទទួលពាក្យប្រកួតប្រជែងសម្រាប់ឆ្នំា ២០១៩នេះ
ចន្លោះមិនឃើញ
សភាយុវពាណិជ្ជករអន្តរជាតិកម្ពុជា (JCI) សាខាមេគង្គ និងសមាគមសហគ្រិនវ័យក្មេងកម្ពុជា ( YEAC) បានសហការគ្នាដើម្បីរៀបចំការប្រកួតប្រជែង កម្មវិធីពានរង្វាន់សហគ្រិនវ័យក្មេងកម្ពុជាឆ្នាំ២០១៩ (Cambodian Young Entrepreneur Awards 2019) ជាលើកទី៥ ។
សហគ្រិនដែលបានបំពេញលក្ខខណ្ឌខាងក្រោមនេះ អាចចូលរួមដាក់ពាក្យប្រកួតប្រជែង នៅក្នុងកម្មវិធីនេះតាមរយៈ http://cyeaward.com/ ឬ ទំនាក់ទំនងមកកាន់ទូរសព្ទលេខ ០១៥ ៩០២ ៦២២/០៦៩៥៤ ៥៦ ៧៨។ ការទទួលពាក្យនឹងប្រព្រឹត្តិទៅ ចាប់ពីថ្ងៃទី ២៤ ខែមិនា ដល់ថ្ងៃទី ១០ ខែឧសភា ឆ្នាំ២០១៩
លក្ខខណ្ឌ នៃការប្រកួតប្រជែង គឺបេក្ខជន ត្រូវមាន៖
សូមបញ្ជាក់ផងដែរថា នេះគឺជាលើកទី ៥ ហើយ ដែលកម្មវិធីពានរង្វាន់សហគ្រិនវ័យក្មេងកម្ពុជា បានធ្វើការប្រកួតប្រជែងនេះឡើង។ កម្មវិធីនេះ ធ្វើឡើងក្នុងគោលបំណងដើម្បីឲ្យមានការទទួលស្គាល់ និងការលើកទឹកចិត្តដល់បណ្ដាសហគ្រិនវ័យក្មេងកម្ពុជា ឱ្យមានឱកាសចូលរួម បង្ហាញពីសមត្ថភាព ព្រមទាំងចែករំលែកនូវភាពជោគជ័យជាលក្ខណៈថ្នាក់ជាតិ។ ជាពិសេសឆ្នាំនេះ កម្មវិធីពានរង្វាន់សហគ្រិនវ័យក្មេងកម្ពុជានឹងមានការចុះទៅធ្វើការទស្សនាផ្ទាល់នូវទីតាំងអាជីវកម្មនីមួយៗរបស់សហគ្រិននៅវគ្គពាក់កណ្ដាលផ្ដាច់ព្រាត់ផងដែរ។
នៅក្នុងឆ្នាំ ២០១៩ កម្មវិធីនេះ នឹងផ្ដល់ឱកាសដល់សហគ្រិន ដែលបានចូលរួមដាក់ពាក្យប្រកួត ឡើងធ្វើបទបង្ហាញពីសក្ដានុពលអាជីវកម្មរបស់ខ្លួនទៅកាន់សាធារណជន ក៏ដូចជាគណៈកម្មការ សហគ្រិន វិនិយោគិន សមាគម ជាដើម។ បន្ទាប់មកទៀត សហគ្រិននឹងត្រូវជួបជាមួយនឹងគណៈកម្មការនៅក្នុងបន្ទប់នីមួយៗទៅតាមមុខជំនាញ និងផ្នែកផ្សេងៗ ដែលក្រុមការងារបានរៀបចំ ដើម្បីធ្វើការវាយតម្លៃស៊ីជម្រៅ និងដាក់ពិន្ទុទៅលើអាជីវកម្មរបស់បេក្ខជនដែលជាសហគ្រិនទាំងអស់ឲ្យកាន់តែមានសុក្រឹតភាព និងយុត្តិធម៌។
ជាការកត់សម្គាល់ កម្មវិធីពានរង្វាន់សហគ្រិនវ័យក្មេងឆ្នាំ២០១៩ នេះ ក៏នឹងធ្វើការផ្សព្វផ្សាយទៅដល់សហគ្រិនវ័យក្មេងនៅក្នុងខេត្តចំនួន ៥បន្ថែមទៀតរួមមានខេត្តសៀមរាប បាត់ដំបង បន្ទាយមានជ័យ កំពង់ចាម និងកំពត។ ការផ្សព្វផ្សាយនេះ ក៏នឹងចូលរួមចំណែកក្នុងការលើកទឹកចិត្តឲ្យសហគ្រិនវ័យក្មេងនៅតាមខេត្តមានឱកាសចូលរួមនៅក្នុងកម្មវិធីនេះ ផងដែរ។
គួររំលឹកជូនថា ការប្រកួតប្រជែងនេះក៏បានចូលរួមយ៉ាងខ្លាំងនៅក្នុងការលើកកម្ពស់ឱ្យសហគ្រិនកម្ពុជាមានភាពក្លាហាន និង ទំនុកចិត្តក្នុងការបង្ហាញពីភាពច្នៃប្រឌិត ការតស៊ូប្រឹងប្រែងរហូតទទួលបានជោគជ័យក្នុងការប្រកបអាជីវកម្មរបស់ខ្លួន។ ក្រៅពីនេះ កម្មវិធីពានរង្វាន់សហគ្រិនវ័យក្មេងកម្ពុជាក៏ដើរតួយ៉ាងសំខាន់ក្នុងការជំរុញឲ្យសហគ្រិនវ័យក្មេងកម្ពុជានាំយកអាជីវកម្មរបស់ខ្លួនដើម្បីយកទៅប្រកួតប្រជែង និងដណ្ដើមយកពានរង្វាន់ផ្សេងទៀតលើឆាកអន្តរជាតិ ផងដែរ។ លើសពីនេះទៅទៀត សហគ្រិននឹងទទួលបានឧត្តមភាពនៅក្នុងការស្វែងរកដៃគូរអាជីវកម្ម ឬ អ្នកវិនិយោគ ទាំងក្នុង និងក្រៅប្រទេស ដែលជាផ្នែកមួយចូលរួមចំណែកក្នុងការអភិវឌ្ឍសេដ្ឋកិច្ចនៅកម្ពុជា៕