Sarri រំពឹងថា Higuain នឹងបន្តនៅជាមួយ Chelsea
- 2019-04-29 13:41:26
- ចំនួនមតិ 0 | ចំនួនចែករំលែក 0
Sarri រំពឹងថា Higuain នឹងបន្តនៅជាមួយ Chelsea
ចន្លោះមិនឃើញ
អ្នកចាត់ការក្លឹប Chelsea លោក Maurizio Sarri បានលើកឡើងកាលពីពេលថ្មីៗនេះថា លោករំពឹង ខ្សែប្រយុទ្ធអាហ្សង់ទីន Gonzalo Higuain ដែលកំពុងលេងក្នុងលក្ខខណ្ឌខ្ចីជើងនឹងបន្តនៅជាមួយក្លឹបរបស់លោកតទៅទៀត។
លោកបាននិយាយថា៖ " វាពិបាកនឹងសម្របខ្លួននៅ Premier League តែខ្ញុំគិតថា Higuain នឹងអាចរកគ្រាប់បាល់បានច្រើននៅរដូវកាលក្រោយ " ។
លោកបានបន្តថា៖ " ខ្ញុំចាំបានថា Suarez កាលលេងឲ្យ Liverpool នៅរដូវកាលដំបូង រកបានតែ ៣គ្រាប់ប៉ុណ្ណោះ រដូវកាលរកបាន ១៦គ្រាប់ ហើយបន្តទៀតរកបាន ២៤គ្រាប់ " ។
យ៉ាងណាមិញ លោកបដិសេធក្នុងការបកស្រាយពីរឿងចុះកុងត្រាបន្តជាមួយនឹងខ្សែប្រយុទ្ធវ័យ ៣១ឆ្នាំ ដោយលោកបាននិយាយថា នេះមិនមែនជាតួនាទីរបស់លោកឡើយ។
Higuain បានចាកចេញពី Juventus មកលេងនៅ Chelsea កាលពីខែមករាឆ្នាំ២០១៩នេះ ហើយចាប់ពីពេលនោះមក កីឡាកររូបនេះរកបាន ៤គ្រាប់ ក្នុង ១៤ប្រកួត៕
អានបន្ត៖
Giroud បង្កើតកំណត់ត្រាថ្មី ក្រោយពីស៊ុតចូល ១គ្រាប់ក្នុង UEL
Hazard កំពុងនាំមុខជាអ្នក Assist ច្រើនជាងគេក្នុងលីគកំពូលទាំង ៥
Sarri ថា ឡើងវគ្គផ្ដាច់ព្រ័ត្រ UCL ស្រួលជាងឈ្នះ League Cup