សម្ដីម៉ាត់ៗប្រធានសហព័ន្ធតេក្វាន់ដូ ITF៖ ប៉ះប្រទេសណាក៏វ៉ៃដែរ ចេញទៅគឺវ៉ៃគេ មិនមែនទៅឲ្យគេវ៉ៃនោះឡើយ
- 2019-08-12 09:00:00
- ចំនួនមតិ 0 | ចំនួនចែករំលែក 0
សម្ដីម៉ាត់ៗប្រធានសហព័ន្ធតេក្វាន់ដូ ITF៖ ប៉ះប្រទេសណាក៏វ៉ៃដែរ ចេញទៅគឺវ៉ៃគេ មិនមែនទៅឲ្យគេវ៉ៃនោះឡើយ
ចន្លោះមិនឃើញ
ឯកឧត្ដម កែវ រ៉េមី ប្រធានសហព័ន្ធតេក្វាន់ដូ ITF កម្ពុជា ថាកីឡាករ កីឡាការិនីដែលនឹងចេញទៅប្រកួតជើងឯកពិភពលោកថ្ងៃទី២៤ សីហា ២០១៩ នេះគឺអត់មានខ្លាចញញើតប្រទេសណាមួយឡើយ ប៉ះប្រទេសណាវ៉ៃប្រទេសនិង។
ប្រធានសហព័ន្ធតេក្វាន់ដូ ITF ខាងលើនេះ បានបញ្ញាក់ស្មារតីម្ដងហើយម្ដងទៀត ដល់កីឡាករ កីឡាការិនីទាំងអស់ដែលត្រូវទៅប្រកួតនៅប្រទេសប៊ុលហ្គារីថា ត្រូវតែខំប្រឹងប្រែងប្រកួតឲ្យអស់សមត្ថភាពដើម្បីយកមេដាយឲ្យបានជួនប្រទេសជាតិ។ រំលឹកពីការចេញទៅប្រកួតប៉ុន្មានឆ្នាំមុន ភាគច្រើនចេញទៅគឺឲ្យគេវ៉ៃ ប៉ុន្តែឥលូវអត់ទេ ITF កម្ពុជាទៅគឺដើម្បីវ៉ៃគេ មិនខ្វល់ឡើយប៉ះប្រទេសណាក៏ដោយ។
ប្រមុខរបស់ ITF រូបនេះគឺមានក្ដីសង្ឃឹមខ្ពស់ចំពោះអត្តពលិកទាំង១៧នាក់នេះ ដែលនឹងចេញទៅប្រកួតនៅឯប្រទេសប៊ុលហ្គារី ព្រោះអីសំអាងលើបទពិសោធរបស់ពួកគេកន្លងមក រួមនិងការខំប្រឹងប្រែងហ្វឹកហាត់ដោយយកចិត្តទុកដាក់។ អតីតអ្នកក្បាច់គុនរូបនេះរំពឹងខ្ពស់ថាលើកនេះ នឹងទទួលបានលទ្ធផលក៏ដូចជាមេដាយបានប្រសើរជាងមុនៗទៅទៀត។
រំលឹកដែរថា កីឡាករ កីឡាការិនីតេក្វាន់ដូ ITF កម្ពុជាចំនួន ១៧នាក់នឹងទៅចូលរួមប្រកួតជ្រើសរើសជើងឯកពិភពលោកលើកទី១៤ សម្រាប់យុវជនថ្នាល និងលើកទី២១ សម្រាប់ឈុតធំ កម្មវិធីនេះនឹងចាប់ផ្ដើមពីថ្ងៃទី២៤ ដល់ ៣០ សីហា ២០១៩ នៅទីក្រុង Plovdiv ប្រទេសប៊ុលហ្គារី៕
វីដេអូ៖
Mourinho ថា Man City ឈុតបម្រុង ល្អជាង United, Arsenal និង Chelsea
អ្នកគាំទ្រលើកបដាដេញ Neymar ក្នុងប្រកួត PSG ឈ្នះ Nimes
កីឡាករប្រណាំងម៉ូតូជនជាតិចិនម្នាក់ សង្ហាខ្លាំង ឡើងធ្វើឲ្យស្រីៗឈ្លក់វង្វេង