ប៉ូលីសបានបញ្ជាក់ថា B.I ទទួលស្គាល់ខ្លួនជាប់ពាក់ព័ន្ធនឹងគ្រឿងញៀន
- 2019-09-18 03:04:18
- ចំនួនមតិ 0 | ចំនួនចែករំលែក 0
ប៉ូលីសបានបញ្ជាក់ថា B.I ទទួលស្គាល់ខ្លួនជាប់ពាក់ព័ន្ធនឹងគ្រឿងញៀន
ចន្លោះមិនឃើញ
ផ្អែកតាមវិបសាយ Koreaboo ប៉ូលីសបានបញ្ជាក់ជាមួយបណ្ដាញផ្សព្វផ្សាយថា អតីតសមាជិក្រុម iKON គឺ B.I បានសារភាពហើយ ខ្លួនពិតជាបានជាប់ពាក់ព័ន្ធនឹងគ្រឿងញៀនមែន។ ប៉ុន្តែបន្ថែមពីលើនេះ ក្រុមការងារស៊ើបអង្កេតនឹងចាត់ការស្រាវជ្រាវជាបន្តដើម្បីឲ្យកាន់តែស៊ីជម្រៅ។
ប្រភពមកពីក្រុមការងារស៊ើបអង្កេតរបស់ភ្នាក់ងារប៉ូលីសខេត្ត Gyeonggi បានសហការជាមួយសារព័ត៌មាន Dispatch ដោយទាក់ទងប្រាប់តាមទូរសព្ទកាលពីថ្ងៃទី ១៨ ខែកញ្ញាថា B.I ពិតជាបានសារភាព និងទទួលយកការចោទប្រកាន់ខ្លួនចំពោះករណីគ្រឿងញៀនមួយចំនួន។
ផ្អែកតាមការសារភាពចំពោះការប្រើប្រាស់គ្រឿងញៀនរបស់ B.I ក្រុមប៉ូលីសខេត្ត Gyeonggi បានធ្វើការចោទប្រកាន់មកលើលោកថាបានប្រព្រឹត្តិបទល្មើសច្បាប់ ព្រមទាំងបានប្ដូរករណីពី «សាក្សី» មកជា «ជនសង្ស័យ» វិញ។ ប៉ូលីសនឹងបន្តការសាកសួរ និងស៊ើបអង្កេត B.I ក្នុងនាមជាជនសង្ស័យលើករណីគ្រឿងញៀននេះ។
ជាមួយគ្នានោះ ក្រុមប៉ូលីសក៏នឹងកោះហៅលោក Yang Hyun Suk ក្នុងពេលឆាប់ៗនេះ ដើម្បីសាកសួរ ពីករណីគំរាមកំហែង ឬការប្រព្រឹត្តិទង្វើមិនគប្បីមួយចំនួន ហើយមិនយូរមិនឆាប់ ក្រុមការងារមានសមត្ថកិច្ចនឹងបញ្ជូនសំណុំរឿងទាំងនេះទៅតុលាការកាត់ទោសជាក់ជាមិនខាន៕