ក្រុមបាល់ទះខ្មែរ នឹងប៉ះទ័ពជើងគោក និងជម្រើសជាតិថៃស្អែកនេះកម្ដៅសាច់ដុំមុនស៊ីហ្គេម ២០១៩
- 2019-11-06 04:03:01
- ចំនួនមតិ 0 | ចំនួនចែករំលែក 0
ក្រុមបាល់ទះខ្មែរ នឹងប៉ះទ័ពជើងគោក និងជម្រើសជាតិថៃស្អែកនេះកម្ដៅសាច់ដុំមុនស៊ីហ្គេម ២០១៩
ចន្លោះមិនឃើញ
ក្រុមកីឡាបាល់ទះជម្រើសជាតិកម្ពុជា ម្សិលមិញនេះបានធ្វើដំណើរចាកចេញពីកម្ពុជាទៅប្រទេសថៃហើយ ដើម្បីប្រកួតមិត្តភាពកម្ដៅសាច់ដុំជាមួយក្រុមទ័ពជើងគោក(Army)និងជម្រើសជាតិថៃស្អែកនេះមុនព្រឹត្តិការណ៍ស៊ីហ្គេមនៅហ្វីលីពីនមកដល់។
បើតាមការឲ្យដឹងពីគ្រូជំនួយ លោក សាន សុក្រិត ថាក្រុមជម្រើសជាតិកម្ពុជានឹងត្រូវប្រកួតមិត្តភាពចំនួន២ប្រកួតនៅប្រទេសថៃ ចាប់ពីថ្ងៃទី៧-៨ ខែវិច្ឆិកា ២០១៩នេះ។ នៅថ្ងៃទី៧ស្អែកនេះកម្ពុជាត្រូវប៉ះក្រុមទ័ពជើងគោកថៃ (Army) ហើយនៅថ្ងៃបន្ទាប់ត្រូវប៉ះក្រុមជម្រើសជាតិថៃ ចំពោះពេលវេលានោះគឺចាប់ពីម៉ោង៣រសៀលដូចគ្នា។
ក្រុមបាល់ទះកម្ពុជានឹងវិលត្រឡប់មកពីប្រទេសថៃវិញនាថ្ងៃទី៩ ខែវិច្ឆិកា ២០១៩ នេះ។ ស៊ីហ្គេម លើកទី៣០ នៅឯប្រទេសហ្វីលីពីន ក្រុមកីឡាបាល់ទះក្នុងសាលរបស់កម្ពុជាក៏នឹងត្រូវចូលរួមប្រជែងមេដាយជូនកម្ពុជាផងដែរ៕ ស៊ីហ្គេមលើកទី៣០នេះ នឹងចាប់ផ្ដើមពីថ្ងៃទី៣០ វិច្ឆិកា ដល់ទី១១ ខែធ្នូ ២០១៩៕