គ្រូកម្ពុជា ថាថ្ងៃប៉ះម៉ុងហ្គោលី គឺលេងដូចអ្វីដែលគ្រោងទុក
- 2019-11-15 01:53:15
- ចំនួនមតិ 0 | ចំនួនចែករំលែក 0
គ្រូកម្ពុជា ថាថ្ងៃប៉ះម៉ុងហ្គោលី គឺលេងដូចអ្វីដែលគ្រោងទុក
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជា លេងស្មើក្រុមម៉ុងហ្គោលី ក្នុងលទ្ធផល ១-១ នាប្រកួតមិត្តភាពអន្តរជាតិនៅពហុកីឡដ្ឋានជាតិ។
លទ្ធផលស្មើនេះដែរ ធ្វើឱ្យអ្នកគាំទ្រមួយចំនួនបានបង្ហាញចំណាប់អារម្មណ៍ថាក្រុមកម្ពុជាលេងមិនទាន់ស៊ីចង្វាក់គ្នាឡើយ។ បើទោះជាមានបាល់គ្រប់គ្រងច្រើន ប៉ុន្តែការសម្រេចចិត្តនៅមិនទាន់បានល្អ និងចង្វាក់ប្រយុទ្ធក៏មិនទាន់មុតដែរ ពោលគឺបានត្រឹមលេងមុខទីដៃគូ តែមិនអាចទម្លុះប្រព័ន្ធការពាររបស់គេបានឡើយ។
ជាមួយគ្នានេះដែរ លោក Felix បាននិយាយក្រោយចប់ការប្រកួតថា៖ ថ្ងៃនេះយើងលេងតាមអ្វីដែលយើងគ្រោងទុក។ យើងបានអភិវឌ្ឍខ្លួនបានល្អជាងមុន និងមានចំណុចល្អៗជាច្រើន។ វាជាបទពិសោធមួយល្អ សម្រាប់យើងដើម្បីត្រៀមលេងទល់ក្រុមហុងកុង។
ក្រុមកម្ពុជា នឹងហោះទៅហុងកុង នៅម៉ោង៧ល្ងាចនេះ ដើម្បីត្រៀមខ្លួនលេងទល់ក្រុមហុងកុងនៅថ្ងៃទី១៩ខាងមុខ វគ្គជម្រុះពានរង្វាន់ FIFA World Cup 2022 ៕