ក្រុមជម្រើសជាតិ ៣ ដែលបង្ហាញខ្លួនញឹកញាប់ជាងគេក្នុង UEFA Euro

2019-11-18 11:50:46
ចំនួនមតិ 0 | ចំនួនចែករំលែក 0

ចន្លោះមិនឃើញ

តាំងពីព្រឹត្តិការណ៍ UEFA Euro បង្កើតនៅឆ្នាំ ១៩៦០ មក មានក្រុមអឺរ៉ុបជាច្រើនបានចូលរួម ដោយរាប់ចាប់តាំងពីអង់គ្លេស រហូតដល់រុស្ស៊ី។ យ៉ាងណាក៏ដោយ មានតែក្រុមជម្រើសជាតិចំនួន ៣ ប៉ុណ្ណោះ ដែលបង្ហាញខ្លួនបានញឹកញាប់ជាងគេ ដោយបង្ហាញខ្លួនលើសពី ១០ដង ក្នុងកម្មវិធីនេះ។

ក្រុមទាំង ៣ នោះគឺ៖ អាល្លឺម៉ង់ រុស្ស៊ី និងអេស្ប៉ាញ។

១. អាល្លឺម៉ង់៖ ក្រុមជម្រើសជាតិមួយនេះ បង្ហាញខ្លួនសរុបចំនួន ១២ដង ចាប់ពីឆ្នាំ ១៩៧២ដោយក្នុងនោះលើកពានចំនួន ៣ដង។ ក្នុងចំណោម ១២ដងនោះ មាន ៥ដង ដែលអាល្លឺម៉ង់ បង្ហាញខ្លួនជា អាល្លឺម៉ង់ខាងលិច។

អាល្លឺម៉ង់ខាងកើត ក៏បានចូលរួមក្នុងវគ្គជម្រុះនៃ UEFA Euro តាំងពីព្រឹត្តិការណ៍នេះបង្កើតឡើងផងដែរ ប៉ុន្តែមិនដែលឡើងដល់វគ្គចែកពូលទេ។

២. រុស្ស៊ី៖ ក្រុមរុស្ស៊ីបានលេងក្នុងព្រឹត្តិការណ៍នេះសរុប ១១ដង ហើយឈ្នះពានម្ដង កាលពីឆ្នាំ១៩៦០។ ក្រុមជម្រើសជាតិនេះ លេងក្នុងនាមជា ក្រុមជម្រើសជាតិសហភាពសូវៀតរហូតដល់មុនឆ្នាំ ១៩៩២។

៣. អេស្ប៉ាញ៖ អេស្ប៉ាញបានលេងក្នុង Euro ចំនួន ១០ដង ហើយលើកពានចំនួន ៣ដង៕

ប្រភព៖ UEFA ប្រែសម្រួល៖ ហ៊ីម រស្មី