ធ្វើការហួសហេតុ ចូលគេងយប់ជ្រៅ ជាមូលហេតុឲ្យតារាម៉ូដែលតៃវ៉ាន់ដួលស្លាប់ពេលកំពុងថត?
- 2019-11-28 08:21:56
- ចំនួនមតិ 0 | ចំនួនចែករំលែក 0
ធ្វើការហួសហេតុ ចូលគេងយប់ជ្រៅ ជាមូលហេតុឲ្យតារាម៉ូដែលតៃវ៉ាន់ដួលស្លាប់ពេលកំពុងថត?
ចន្លោះមិនឃើញ
តារាម៉ូដែលដ៏ស្រស់សង្ហាតៃវ៉ាន់កាត់កាណាដា Godfrey Gao ត្រូវបានគេរាយការណ៍កាលពីព្រឹកថ្ងៃពុធម្សិលមិញថា បានដួលស្លាប់ភ្លាមៗពេលកំពុងថតកម្មវិធីមិនទាន់បញ្ចប់នៅឡើយ។ដំណឹងនេះ បានធ្វើអ្នកគាំទ្រលោកជុំវិញពិភពលោកមានការតក់ស្លុតយ៉ាងខ្លាំង។
ភ្លាមៗការដួលស្លាប់កណ្ដាលទីពេលកំពុងបំពេញកិច្ចការងាររបស់តារាម៉ូដែលវ័យ ៣៥ឆ្នាំ នេះ ត្រូវបានគេរាយការណ៍ថា ដោយសាររោគគាំងបេះដូង។ មកដល់ថ្ងៃនេះ មានរបាយការណ៍សន្និដ្ឋានថ្មីមួយបន្ថែមទៀតស្ដីពីករណីនេះ។ គ្រូពេទ្យមកពីសាកលវិទ្យាល័យវេជ្ជសាស្ត្រជាតិតៃវ៉ាន់ បានសន្និដ្ឋានថា ការគាំងបេះដូងស្លាប់របស់តារាម៉ូដែលដ៏ស្រស់សង្ហាខាងលើ បណ្ដាលមកពីធ្វើការហួសប្រមាណ និងបញ្ហាតានតឹងផ្លូវចិត្តផង។ នេះបើតាមការរាយការណ៍របស់ Sinchew Daily ជាភាសាចិន-ម៉ាឡេស៊ី។
បន្ថែមពីករណីរបស់ Godfrey Gao ដដែល គ្រូពេទ្យតៃវ៉ាន់ បានគូសបញ្ជាក់ទៀតថា ការចូលគេងយឺតពេក ព្រមជាមួយការចំណាយពេលធ្វើការហួសហេតុ អាចបង្កឱ្យមានភាពតានតឹងយ៉ាងខ្លាំងដល់រាងកាយ។ ការសន្និដ្ឋាននេះ ហាក់ស៊ីគ្នានឹងរបាយការណ៍ដែលថា តារាម៉ូដែលតៃវ៉ាន់-កាណាដា បានធ្វើការដល់១៧ម៉ោងឯណោះ នៅមុនពេលដួលស្លាប់៕