ហន សុវណ្ណដា ស្លៀកពាក់បែបប្រពៃណីចូលរួមរត់ប្រណាំង ព្រោះចង់ឲ្យគេដឹងពី...
- 2019-12-12 04:08:17
- ចំនួនមតិ 0 | ចំនួនចែករំលែក 0
ហន សុវណ្ណដា ស្លៀកពាក់បែបប្រពៃណីចូលរួមរត់ប្រណាំង ព្រោះចង់ឲ្យគេដឹងពី...
ចន្លោះមិនឃើញ
ហន សុវណ្ណដា ស្លៀកពាក់បែបជាកសិករខ្មែរចូលរួមក្នុងព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអន្តរជាតិអង្គរវត្តលើកទី២៤នេះ ដើម្បីឲ្យគេបានដឹងពីទំនៀមទម្លាប់ និងការស្លៀកពាក់បែបបុរាណរបស់ខ្មែរ។
លោក ហន សុវណ្ណដា ដែលជាអ្នកចូលរួមក្នុងកម្មវិធីរត់ប្រណាំងអន្តរជាតិអង្គរវត្តនេះបានឲ្យដឹងថា កម្មវិធីរត់ប្រណាំងនេះគឺពិតជាធ្វើឲ្យលោកសប្បាយជាខ្លាំង។ ការរត់ម៉ារ៉ាតុងនេះគឺបង្រៀនមនុស្សបានច្រើនដូចជា ការត្រៀមខ្លួនឲ្យបានល្អដើម្បីមានសមត្ថភាពគ្រប់គ្រាន់នៅពេលប្រកួតតាមវិញ្ញាសារបស់ខ្លួន ធ្វើឲ្យមនុស្សតស៊ូធ្វើឲ្យបានសម្រេចគោលដៅ មានន័យថារត់ឲ្យដល់ទីត្រឹមត្រូវមិនបោះបង់។
អ្នកចូលរួមរត់ប្រណាំងរូបនេះបន្តទៀតថា មូលហេតុមួយទៀតដែលលោកស្លៀកពាក់បែបបុរាណក្នុងកម្មវិធីខាងលើនេះ ដោយសារចង់បង្ហាញថាសំលៀកបំពាក់អ្វីក៏អាចចូលរួមការរត់ប្រណាំងបានដែរ។ មួយវិញទៀតនោះ គឺចង់ឲ្យបរទេសបានឃើញ បានស្គាល់ពីរបៀបរបបសំលៀកបំពាក់បែបប្រពៃណីរបស់ខ្មែរផងដែរ។
រំលឹកដែរថា ព្រឹត្តិការណ៍រត់ប្រណាំងអន្តរជាតិលើកទី២៤ នៅអង្គរវត្តនេះគឺបានបញ្ចប់ទៅហើយកាលពីថ្ងៃទី៨ ខែធ្នូ ២០១៩ សប្ដាហ៍មុននេះ។ ចំពោះអ្នកចូលរួមព្រឹត្តិការណ៍អន្តរជាតិមួយនេះប្រហែល ១២៣០០នាក់មកពី៨៥ប្រទេសលើពិភពលោក៕