រត់ពីភ្នំពេញដល់សៀមរាបព្រឹកមិញ នឹម ឈុន្នី ប្រមូលថវិកាបានជាង ៤ម៉ឺនដុល្លារ ជួយពេទ្យកុមារអង្គរ

2019-12-25 07:52:04
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសចិត្តធម៌ នឹម ឈុន្នី រត់ពីភ្នំពេញតាំងពីថ្ងៃទី១៥ ទៅដល់សៀមរាបព្រឹកមិញនេះគិតទៅប្រមូលថវិកាបានជាង៤ម៉ឺនដុល្លារហើយ ដើម្បីត្រៀមប្រគល់ប្រាក់ទាំងនេះជូនទៅមន្ទីរពេទ្យកុមារអង្គរខេត្តសៀមរាប។

ទិដ្ឋភាពពេលរត់

កូនខ្មែរដែលមានចិត្តសប្បុរសធម៌ខាងលើនេះ បានឲ្យដឹងថា លោកទៅដល់ខេត្តសៀមរាបហើយនាព្រឹកមិញនេះ ក្រោយចំណាយពេលរត់អស់ជាង៣០០គីឡូម៉ែត្រតាំងពីភ្នំពេញមក។ នៅល្ងាចនេះនឹងមានការជួបជុំគ្នាជាមួយសប្បុរសជនមួយចំនួនទៀត ដែលមានបំណងជួយជាថវិកាបន្ថែមក្នុងកម្មវិធីរត់ប្រមូលថវិកានេះ។

ទិដ្ឋភាពពេលរត់

លោក នឹម ឈុន្នី ប្រាប់ទៀតថា បើនិយាយពីការលំបាកក្នុងការរត់នេះគឺមានច្រើនគួរសមដែរ ដោយសារតែលោកមិនមែនជាអ្នកអាជីពខាងផ្នែកកីឡាមួយនេះប៉ុន្តែមិនជាឧបសគ្គរហូតធ្វើឲ្យរំខានដល់កិច្ចការនេះទេ។ បើទោះជាត្រូវសម្រាកក្នុងវត្ត ដាំបាយខ្លួនឯង និងរត់ក្រោមកម្ដៅថ្ងៃយ៉ាងនេះក្ដី ប៉ុន្តែលោកមិនរាថយនោះឡើយ ព្រោះពេលបិទភ្នែកទៅតែងតែនឹកឃើញស្នាមញញឹមរបស់កុមារ ការលើកទឹកចិត្តពីមនុស្សគ្រប់គ្នា និងការទន្ទឹងរង់ចាំការជួយនៅមន្ទីរពេទ្យកុមារអង្គរជានិច្ច។

ទិដ្ឋភាពពេលរត់

កម្មវិធីរត់ប្រមូលថវិកា ឬកម្មវិធី រត់ដើម្បីស្នាមញញឹមរបស់កុមារកម្ពុជា នេះនៅតែបន្តទទួលថវិកាពីសប្បុរសជនរហូតដល់ដាច់ឆ្នាំ ២០១៩ នេះទើបបញ្ចប់។ លោកអ្នកដែលមានបំណងចូលជាថវិកាអាចផ្ញើទៅតាមគណនីធនាគារ ABA: 000853843 ឬតាមវីញ 9122 (លុយរៀល) 8122 (លុយដុល្លារ)។ សម្រាប់លេខទំនាក់ទំនងរបស់លោក នឹម ឈុន្នី គឺ 078 785 044៕