គ្រូសីដក់ក្រសួងមហាផ្ទៃប្រាប់គន្លឹះសំខាន់ផ្ដួលក្រសួងការពារជាតិ យកមេដាយមាសម្សិលមិញ

2019-12-26 03:56:15
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្វឹកក្លឹបក្រសួងមហាផ្ទៃ ថាគន្លឹះសំខាន់ដែលអាចឈ្នះក្រសួងការពារជាតិម្សិលមិញនេះនាវគ្គផ្ដាច់ព្រ័ត្រជើងឯកថ្នាក់ជាតិ ២០១៩ នេះដោយសារតែក្រុមរបស់លោកចាប់ចំណុចខ្សោយដៃគូបាន និងលេងតាមអ្វីដែលលោកបានប្រាប់។

រូបភាព Cambodia Document Sport

លោក ជាតិ ខេមរា គ្រូបង្វឹកក្លឹបក្រសួងមហាផ្ទៃ បានឲ្យដឹងថា ជ័យជម្នះលើក្រសួងការពារជាតិម្សិលមិញនេះគឺសិតទី១ លោកចាប់ចំណុចខ្សោយកីឡាករ៣នាក់មុនបាន ប៉ុន្តែសិតទី២ គេដូរកីឡាករថ្មី ដូច្នេះបច្ចេកទេសលេងរបស់គេថ្មី ហេតុនេះហើយទើបសិតនេះចាញ់គេសិនដើម្បីស្វែងយល់ពីចំណុចខ្សោយ ឬចំណុចខ្វះចន្លោះជាថ្មីទៀត។

រូបភាពអង្គភាពក្រសួងមហាផ្ទៃ

សិតទី៣ ដែលជាសិតកាត់សេចក្ដីចាញ់ឈ្នះ គ្រូបង្វឹកខាងលើបានដឹងពីសមត្ថភាព និងបច្ចេកទេសដៃគូរួចហើយ ក៏ប្រាប់វិធីលេងដល់សិស្សឲ្យវ៉ៃសេវាទៅធម្មតាៗឲ្យចូល ហើយព្យាយាមចាំបាំងពេលគេគប់វិញ។ មួយវិញទៀតលោកប្រាប់ឲ្យកូនសិស្សរបស់ខ្លួនវ៉ៃសេវាឲ្យនិង ដូចជាវ៉ៃទៅជើងឆ្វេងដៃគូ និងវ៉ៃសេវារកក្បាលគេដែលជាហេតុធ្វើឲ្យដៃគូប្រកួតពិបាក រួមផ្សំការស្រែកហ៊ោជាកម្លាំងចិត្តផងនោះ ទើបអាចឈ្នះក្រុមខ្លាំងក្រសួងការពារជាតិបាន។

ទិដ្ឋភាពលើកពាន

រំលឹកដែរថា សហព័ន្ធកីឡាសីដក់ និងឈិនឡូនកម្ពុជារៀបចំការប្រកួតជ្រើសរើសជើងឯកថ្នាក់ជាតិ ២០១៩ នេះរយៈពេល៣ថ្ងៃគឺចាប់ពីថ្ងៃទី២៣ ដល់ ២៥ ខែធ្នូ ២០១៩ នៅក្នុងវិមានពហុកីឡដ្ឋានជាតិ។ ក្រុមចូលរួមសរុប១០ក្រុម ដែលត្រូវជា១២៣នាក់។ ចំពោះមេដាយមាស ៣-៣នាក់ ក១ បានទៅលើក្រុមមហាផ្ទៃ ក្រោយឈ្នះក្រុមការពារជាតិ ២-១សិតម្សិលមិញ៕

វីដេអូប្រកួត៖

អត្ថបទ៖ នួន ស៊ីណា