នាឡិកាឆ្លាតវៃតម្លៃត្រឹម ៩ ដុល្លារ ដាក់ស៊ីមក៏បាន ហើយមានទាំងកាមេរ៉ាថតរូបទៀត
- 2020-01-06 02:14:48
- ចំនួនមតិ 0 | ចំនួនចែករំលែក 0
នាឡិកាឆ្លាតវៃតម្លៃត្រឹម ៩ ដុល្លារ ដាក់ស៊ីមក៏បាន ហើយមានទាំងកាមេរ៉ាថតរូបទៀត
ចន្លោះមិនឃើញ
LEEHUR V8 ដែលជានាឡិកាឆ្លាតវៃមានតម្លៃថោកជាងបណ្តានាឡិកាដទៃ ពេលនេះកំពុងផ្ទុះការចាប់អារម្មណ៍ខ្លាំងជុំវិញប្រព័ន្ធអ៊ីនធឺណិត ខណៈដែលមុខងាររបស់វាក៏ខ្លាំង ហើយតម្លៃថោកត្រឹម ៩ ដុល្លារតែប៉ុណ្ណោះ។
មានលក់លើគេហទំព័រ GearBest ដោយតម្លៃនេះសោតបើធៀបនឹង Apple Watch ឬ Samsung Galaxy Watch ធុនខ្ពស់អ្នកអាចទិញ LEEHUR V8 បានច្រើនជាង ២០ គ្រឿង។
ស្ថិតក្នុងជម្រើស ៤ ពណ៌មានខ្មៅ ស ក្រហម ខៀវ នាឡិកាបែបមនុស្សប្រុសមួយនេះ ប្រើបន្ទះឈីប MediaTek MTK6261D មាន RAM 64MB និង ROM 128MB អាចគាំទ្រការបន្ថែម MicroSD ដល់ទំហំ 32GB ជាមួយអេក្រង់ Touchscreen ទំហំ ១,២២ អ៊ីញ កម្រិត 240x240px។
វាក៏គាំទ្រប្រព័ន្ធ Bluetooth និងដំណើរការស៊ីមកាត សម្រាប់ការហៅចេញចូល ជាងនេះមានកាមេរ៉ាមុខ ១.៣MP ដែល Smartwatch ដទៃពុំមានទៀតផង។ ទំហំថាមពលថ្ម ៣៨០mAh (មិនបញ្ជាក់ច្បាស់ពីថេរវេលាប្រើប្រាស់)។
អ្វីដែលជាគុណវិបត្តិគឺម៉ូឌែលនេះគាំទ្រតែប្រព័ន្ធ 2G មួយគត់ ខណៈដែលប្រទេសជាច្រើនក្នុងលោកបម្រុងនឹងបិទលែងឲ្យ 2G ដំណើរការទៅហើយនោះ។ មួយផ្សេងទៀតវាគ្មានអាវក្រោះការពារទឹកទេ បែបនេះមិនថាតែការលាងសម្អាតដៃឬស្ថិតនៅក្រោមភ្លៀង នោះអ្នកនឹងត្រូវចាយលុយ ៩ ដុល្លារម្តងទៀតហើយ៕
អានអត្ថបទ: