មេធំ McAfee ធ្លាប់សន្យាថាកាត់ចោលអាអូនតូច បើ Bitcoin មិនឡើងដល់ ១ លានដុល្លារនៅឆ្នាំ ២០២០
- 2020-01-09 01:23:18
- ចំនួនមតិ 0 | ចំនួនចែករំលែក 0
មេធំ McAfee ធ្លាប់សន្យាថាកាត់ចោលអាអូនតូច បើ Bitcoin មិនឡើងដល់ ១ លានដុល្លារនៅឆ្នាំ ២០២០
ចន្លោះមិនឃើញ
នាយកប្រតិបត្តិនៃក្រុមហ៊ុនផលិតកម្មវិធីការពារមេរោគលើប្រព័ន្ធកុំព្យូទ័រលោក John McAfee បានឆាចោលការសន្យារបស់ខ្លួន ថានឹងកាត់ចោលអាអូនតូច (លិង្គ) និងបរិភោគវានៅលើប៉ុស្តិ៍ទូរទស្សន៍ ប្រសិនតម្លៃ Bitcoin មិនឡើងដល់ ១ លានដុល្លារ។
កាលពីឆ្នាំ ២០១៧ លោក McAfee ធ្លាប់សច្ចាថាប្រសិនឆ្នាំ ២០២០ Bitcoin មិនឡើងថ្លៃដល់ ៥០០ ០០០ ដុល្លារនោះលោកនឹងបរិភោគលិង្គខ្លួនឯងនៅមុខកញ្ចក់ទូរទស្សន៍។ ជាងនេះលោកបានបន្ថែមការភ្នាល់ថាវានឹងឡើងដល់ ១ ០០០ ០០០ ដុល្លារ។
ការភ្នាល់នេះបានរុញឲ្យមនុស្សជាច្រើនហាក់មានទំនុកចិត្ត និងបន្តធ្វើការវិនិយោគលុយវាល់លានលើរូបិយប័ណ្ណឌីជីថលមួយនេះ។ ប៉ុន្តែការសន្យាខ្យល់ បានធ្វើឲ្យមនុស្សជាច្រើនខកចិត្តខ្លាំងមែនទែន។
តាមរបាយការណ៍ពី Dickening គេហទំព័រព្យាករណ៍តម្លៃ Bitcoin បានឲ្យដឹងថាយ៉ាងហោចណាស់ Bitcoin ត្រូវឡើងថ្លៃជាមធ្យម ២ ៧៦៣ ដុល្លារ ទើបអាចឡើងដល់ចំណុច ១ លានដុល្លារនៅចុងឆ្នាំ ២០២០ បែបនេះការព្យាករណ៍របស់ McAfee គឺមិនអាចទៅរួច ១០០ ភាគរយ។
យ៉ាងណាមិញទន្ទឹមនឹងតម្លៃ Bitcoin ដែលឈរត្រឹមចំណុច ៧ ៥០០ ដុល្លារ/BTC កាលពីថ្ងៃទី ៦ មករា កន្លងទៅនេះលោក McAfee បានកប់ចោលពាក្យសន្យារបស់ខ្លួន ហើយនិយាយថាវាគ្រាន់ជាអន្ទាក់ដើម្បីបោកបញ្ឆោតឲ្យមនុស្សមកទិញ Bitcoin តែប៉ុណ្ណោះ។
លោកនិយាយថា៖ "ភ្ញាក់ឡើង គ្មានមនុស្សល្ងីល្ងើឯណាដែលនឹងទៅបរិភោគលិង្គខ្លួនឯងនោះទេ ជាពិសេសធ្វើអ៊ីចឹងនៅលើទូរទស្សន៍ទៀត ហើយខ្ញុំក៏សង្ឃឹមថា Follower របស់ខ្ញុំមិនស្ថិតក្នុងជំពូកមនុស្សល្ងីល្ងើបែបនោះទៅចុះ"៕
អានអត្ថបទ: