អយ្យការស្នើសុំដីកាចាប់ខ្លួនថ្មីមួយទៀតចំពោះ Seungri ក្រោយស្ងាត់ ៨ខែ
- 2020-01-10 02:55:16
- ចំនួនមតិ 0 | ចំនួនចែករំលែក 0
អយ្យការស្នើសុំដីកាចាប់ខ្លួនថ្មីមួយទៀតចំពោះ Seungri ក្រោយស្ងាត់ ៨ខែ
ចន្លោះមិនឃើញ
ផ្អែកតាមការចុះផ្សាយព័ត៌មានជាច្រើននៅប្រទេសកូរ៉េថ្ងៃនេះ បានឲ្យដឹងថា តំណាងអយ្យការដែលមកពីការិយាល័យព្រះរាជអាជ្ញា Seoul Central District បានដាក់ដីកាចាប់ខ្លួនថ្មីមួយទៀតចំពោះ Seungri អតីតសមាជិកក្រុម BIGBANG។
វិបសាយព័ត៌មាន New1 និង Star News បានផ្សាយនៅថ្ងៃទី ០៨ ខែមករានេះថា ដីកានោះបានដាក់ស្នើឡើងនូវរឿងក្ដី ៧ករណី។ បើរម្លឹកទៅកាលពីខែឧសភា ឆ្នាំ ២០១៩ ក្រុមប៉ូលីសមានសមត្ថកិច្ចបានស្នើសុំដីកាចាប់ខ្លួន Seungri ពីបទចោទករណីពេស្យាចារ លួចផ្ដល់នូវសេវាផ្លូវភេទ ល្មើសច្បាប់សុខភាពចំណីអាហារ បំពានច្បាប់ប្រតិបត្តិការអាជីវកម្ម និងគេចពន្ធជាដើម។ ប៉ុន្តែក្រោយមក ដីកាចាប់ខ្លួននេះក៏ត្រូវបានច្រានចោល ជាហេតុនាំឲ្យរឿងក្ដីរបស់ Seungri នេះត្រូវបានបញ្ជូនតទៅអយ្យការ ដោយគ្មានការចាប់ឃុំខ្លួនឡើយ។
ដោយឡែកឈានមកដល់ពេលនេះ ក្រុមព្រះរាជអាជ្ញាក៏នឹងស្វែងរកការចោទទោសចំពោះ Seungri នូវក្ដីមួយចំនួន ដូចជា ការរំលោភបំពានផ្លូវភេទ តាមរយៈការចេញផ្សាយរូបថតអាសអាភាសរបស់ជនរងគ្រោះជានារី ៣នាក់ ការប្រព្រឹត្តិល្បែងស៊ីសងខុសច្បាប់ អំពើដោះដូររូបិយវត្ថុបរទេសខុសច្បាប់ ការល្បួងបុគ្គលណាម្នាក់ឲ្យទៅរួមភេទជាមួយភ្ញៀវបរទេស (សេវាពេស្យាចារ) កិបកេងលុយមូលនិធិពី Burning Sun ដើម្បីបម្រើប្រយោជន៍ផ្ទាល់ខ្លួន និងករណីផ្សេងទៀត សរុបទាំងអស់ Seungri ត្រូវរងដីកាចាប់ខ្លួនមានទោសឧក្រិដ្ឋសរុប ៧។
ប្រភពដដែលក៏បានបន្ថែមដែរថា តុលាការនឹងវាយតម្លៃ ពិនិត្យចំពោះដីកាចាប់ខ្លួន Seungri ជាថ្មីម្ដងទៀតបន្ទាប់ពី ៨ខែមុន គឺនៅថ្ងៃទី ១៣ ខែមករាខាងមុខ៕