កុំបាច់ឆ្ងល់ ដោយសារបញ្ហា ២ នេះ ទើប iPhone សាកថ្មជាប់គាំងត្រឹម 80% លែងទៅមុខ
- 2020-03-13 06:07:43
- ចំនួនមតិ 0 | ចំនួនចែករំលែក 0
កុំបាច់ឆ្ងល់ ដោយសារបញ្ហា ២ នេះ ទើប iPhone សាកថ្មជាប់គាំងត្រឹម 80% លែងទៅមុខ
ចន្លោះមិនឃើញ
មួយរយៈចុងក្រោយនេះ Sabay ទទួលបានសំណួរជាច្រើនពីអ្នកប្រើប្រាស់ iPhone ដែលសួរថាហេតុអ្វីទូរសព្ទរបស់ពួកគេមិនអាចសាកថ្មហួសពី 80% ពោលគឺដល់ចំណុចនោះទូរសព្ទសាកថ្មលែងចូលតែម្តង។
ពាក់ព័ន្ធនឹងបញ្ហានេះ ជាបទពិសោធន៍ផ្ទាល់ ដើមចមនៃបញ្ហាមានពីរ ១) មកពីកម្តៅ ២) មកពីប្រព័ន្ធជួយថែរក្សាថ្មលើ iOS 13។
ទន្ទឹមនឹងអាកាសធាតុកំពុងតែក្តៅខ្លាំងនៅឆ្នាំ ២០២០ នេះ ម៉ាស៊ីននឹងងាយឡើងកម្តៅខ្លាំងបំផុត ជាធម្មតានៅពេលម៉ាស៊ីនក្តៅខ្លាំង ស្មាតហ្វូនសេរ៊ីទំនើបបច្ចុប្បន្ននឹងផ្តាច់ប្រព័ន្ធសៀគ្វីសាកថ្មមិនឲ្យដំណើរការទៅបានដោយស្វ័យប្រវត្តិ ពោលជាទូទៅម៉ាស៊ីនជាច្រើននឹងជាប់គាំងត្រឹមការសាកថ្មចន្លោះពី 80-85 ភាគរយនេះឯង។
មួយផ្សេងទៀតគឺមុខងារដែល Apple កំណត់មកស្រាប់ ជួយថែទាំអាយុកាលនៃថ្មដោយស្វ័យប្រវត្តិ ដែលមុខងារនេះមានឈ្មោះថា "Optimized Battery Charging" មានបង្កប់ត្រង់ទីតាំង Battery ខាងក្នុង Settings។
ចំពោះដំណោះស្រាយសាមញ្ញៗ សម្រាប់អ្នកប្រើប្រាស់ iPhone ដំបូងឡើយ អាចចូលទៅបិទមុខងារដូចបញ្ជាក់ពីខាងលើនោះបាន ឬមួយផ្សេងទៀតប្រសិនមកពីកម្តៅម៉ាស៊ីន នោះទាមទារឲ្យអ្នកដកទូរសព្ទមកទុកនៅទីតាំងដែលអាចឲ្យម៉ាស៊ីនចុះកម្តៅសិន សឹមយកទៅបញ្ចូលថ្មម្តងទៀត៕
អានអត្ថបទ: