Apple ចេញលក់ iPad Pro ថ្មីចំពេលល្អណាស់
- 2020-03-24 01:56:47
- ចំនួនមតិ 0 | ចំនួនចែករំលែក 0
Apple ចេញលក់ iPad Pro ថ្មីចំពេលល្អណាស់
ចន្លោះមិនឃើញ
ទោះបីជាវីរុសកូរ៉ូណាបន្តរាតត្បាតពាសពេញពិភពលោកក្ដីក៏ Apple នៅតែប្រកាសចេញ iPad Pro ស៊េរីថ្មីកាលពីសប្ដាហ៍មុន ដែលវានឹងចាប់ផ្ដើមចេញលក់នាអំឡុងសប្ដាហ៍នេះ។
ប៉ុន្តែដោយសារមានមនុស្សជាច្រើនសំងំក្នុងផ្ទះនាពេលនេះ ពួកគេប្រហែលជាអាចនឹងស្វែងរកឧបករណ៍ប្រើប្រាស់ថ្មីដើម្បីកុំឲ្យទំនេរ។ Ethan Qi អ្នកវិភាគនៅ Counterpoint Research បាននិយាយថា ៖ "វាមិនមែនជាពេលអាក្រក់ខ្លាំងនោះទេសម្រាប់ការបញ្ចេញលក់ iPad Pro ថ្មីលើទីផ្សារ។”
Ethan បានលើកឡើងថាមានមនុស្សជាច្រើនងាកមកធ្វើការពីចម្ងាយ (ធ្វើការពីផ្ទះ) និងការរៀនតាមរយៈអនឡាញ អាចជួយបង្កើនតម្រូវការសម្រាប់ Tablet ហើយវាជាអ្វីដែលបានកើតឡើងកាលពីខែកុម្ភៈ ក្នុងប្រទេសចិន។ ទោះបីជាមានការកើនឡើងនូវតម្រូវការក៏ Apple នឹងមិនមានបញ្ហាក្នុងការផ្គត់ផ្គង់ iPad Pro ដល់អតិថិជនដែរ ព្រោះថាសង្វាក់ផលិតកម្មផលិតនៅប្រទេសចិនបានចាប់ផ្ដើមងើបឡើងវិញជាបណ្ដើរៗហើយ។ នេះបើតាមការលើកឡើងបន្ថែមរបស់លោក Ethan៕