គ្រូពេទ្យបារាំង ៥នាក់ បានស្លាប់ហើយដោយសារឆ្លងមេរោគ Covid-19

2020-03-24 02:13:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេទ្យបារាំងចំនួន ៤នាក់ទៀត បានស្លាប់ហើយក្រោយពេលដែលឆ្លងមេរោគកូរ៉ូណាវីរុស នេះបើតាមការបញ្ជាក់ពីមន្ត្រីនៅថ្ងៃអង្គារ។

ពេទ្យម្នាក់ដែលមានវ័យ ៦៦ឆ្នាំនៅក្នុងទីក្រុង Mulhouse ជិតព្រំប្រទល់ប្រទេសស្វីស និងអាល្លឺម៉ង់ បានឆ្លងជំងឺនេះដំបូងពីអ្នកជំងឺម្នាក់ក្រោយពេលព្រឹក្សាយោបល់។ ចំណែកឯពេទ្យវ័យ ៦០ឆ្នាំម្នាក់ទៀត បានស្លាប់នៅមន្ទីរពេទ្យ Saint-Avold ជិតទីក្រុង Metz។ ក្រៅពីនេះ គ្រូពេទ្យពីរនាក់ផ្សេងទៀតដែលបានស្លាប់ មានម្នាក់អាយុ ៧០ឆ្នាំនៅភាគខាងកើតទីក្រុង Colmar និង ៦៨ឆ្នាំម្នាក់នៅទីក្រុង Trevenans។ ការរាយការណ៍ពីគ្រូពេទ្យដែលស្លាប់ទាំង ៤នាក់នេះ ត្រូវបានធ្វើឡើងក្រោយពេលដែលមានគ្រូពេទ្យដំបូងគេបានស្លាប់នៅ Oise ដែលជាតំបន់រងគ្រោះខ្លាំងដោយការឆ្លងរាលដាល។

គួរបញ្ជាក់ថា បើគិតមកទល់ពេលនេះ គ្រូពេទ្យសរុបចំនួន ៥នាក់ហើយដែលបានស្លាប់នៅក្នុងប្រទេសបារាំង ក្រោយពេលដែលឆ្លងមេរោគ Covid-19 ខណៈដែលការព្រួយបារម្ភកាន់តែកើនឡើងសម្រាប់ក្រុមគ្រូពេទ្យជួរមុខដែលកំពុងប្រយុទ្ធប្រឆាំងនឹងជំងឺឆ្លងនេះ៕

ប្រភព៖ Dailymail ប្រែសម្រួល៖ រ័ត្ន