Rashford ប្រាប់ឈ្មោះកីឡាករ៣រូបដែលជា Idol របស់ខ្លួន ក្នុងនោះមាន Ronaldinho ដែរ

2020-04-02 03:20:38
ចំនួនមតិ 0 | ចំនួនចែករំលែក 0

ចន្លោះមិនឃើញ

Marcus Rashford បានបង្ហាញពីកីឡាករបាល់ទាត់៣រូបដែលជានិមិត្តរូបរបស់គេតាំងពីក្មេងក្នុងនោះមាន Rooney, Cristiano Ronaldo និង Ronaldinho។

សាកសួរពីបុគ្គលដែលមានឥទ្ធិពលមកលើខ្លួនក្នុងវិស័យបាល់ទាត់ កីឡាករអង់គ្លេសវ័យ២២ឆ្នាំបានចុចឈ្មោះសិស្សច្បងដែលជាវីរបុរសរបស់ United គឺ Wayne Rooney និង Cristiano Ronaldo ជាពិសេស។

Rashford បានបញ្ជាក់ថា Rooney និង Ronaldo គឺជានិមិត្តរូបរបស់ខ្លួនតាំងពីក្មេង។ គេធ្លាប់មើលកៀក ពេលដែលអ្នកទាំងពីរលេងជាមួយគ្នា ពួកគេពិតជាមានថាមពលខ្លាំង។ ហើយជាបទពិសោធន៍មិនគួរឲ្យជឿដែលគេបានមើលសិស្សច្បងទាំងពីរលេងជាមួយគ្នា។

ក្នុងនោះដែរវីរបុរសរបស់ Barcelona និងប្រេស៊ីល Ronaldinho ក៏ស្ថិតក្នុងចិត្តរបស់ Rashford ដូចគ្នា ហើយថែមទាំងជាកីឡាករជំនាន់មុនដែលគេចង់លេងជាមួយបំផុត។ ភាពច្នៃប្រឌិតលើទីលានដ៏អស្ចារ្យរបស់ Ronaldinho ទាក់ចិត្ត Rashford ចង់លេងជាមួយ។ វាពិតជាមោទនភាពប្រសិនបានលេងជាមួយគ្នាមែន៕

ប្រភព៖ Dailymail ប្រែសម្រួល៖ ហេង សុធារិទ្ធិ