YouTube គ្រោងចេញកម្មវិធីថ្មីមកប្រជែង TikTok ដោយប្រើចំណុចពិសេសមួយ
- 2020-04-02 06:20:42
- ចំនួនមតិ 0 | ចំនួនចែករំលែក 0
YouTube គ្រោងចេញកម្មវិធីថ្មីមកប្រជែង TikTok ដោយប្រើចំណុចពិសេសមួយ
ចន្លោះមិនឃើញ
បើនិយាយពីការចែកចាយនូវប្រភេទវីដេអូឃ្លីបខ្លីៗ នោះគឺ TikTok ប្រាកដជាឈរនៅចំណាត់ថ្នាក់ទី ១ ដែលទទួលបានការគាំទ្រខ្លាំងបំផុតពីអ្នកប្រើប្រាស់។
ប៉ុន្តែថ្មីៗនេះ YouTube ក៏បានប្រកាសពីតម្រុយនៃការប្រកួតប្រជែងគួរឲ្យចាប់អារម្មណ៍មួយ ដែលក្រុមហ៊ុនត្រៀមនឹងចេញផ្សាយកម្មវិធីឲ្យឈ្មោះថា "YouTube Shorts"។
មានលក្ខណៈស្រដៀងទៅនឹង TikTok គឺផ្តល់ឲ្យអ្នកប្រើប្រាស់ធ្វើការបង្កើតនិងចែករំលែកវីដេអូខ្លីៗតាមរយៈស្មាតហ្វូនដូចគ្នា ប៉ុន្តែចំណុចរសើបនៃកម្មវិធីនេះគឺមានផ្តល់ជូនបទចម្រៀងច្រើនលើសលប់ជាង ព្រោះ YouTube Music គឺជាបណ្តុំទីតាំងប្រមូលផ្ដុំបទចម្រៀង Original រាប់លានបទរួចជាស្រេចហើយ។
បញ្ជាក់ថា TikTok បានប្រែខ្លួនយ៉ាងឆាប់រហ័សនៅរយៈពេល ២ ឆ្នាំចុងក្រោយនេះ ដោយមានកំណើនប្រមាណ ១២៥ ភាគរយ។ នៅរយៈពេល ១២ ខែចុងក្រោយលើ App Store និង Google Play Store មានការចុច Download ប្រមាណជាង ៨៤២ លានដងឯណោះ។
មូលហេតុនេះហើយដែលធ្វើឲ្យ YouTube នៅលែងស្ងៀម ណាមួយឆ្លៀតទាញផលចំណេញពីបណ្តុំចម្រៀងនិងតន្រ្តីដែលខ្លួនមានរយលានបទស្រាប់ផងនោះ មកវិនិយោគលើកម្មវិធី Shorts យ៉ាងតក់ក្រហល់តែម្តង៕
អានអត្ថបទ:
ទីក្រុងមួយនឹងបានប្រើម៉ាស៊ីនតេស្តជំងឺកូវីដ១៩ ប្រើពេលត្រឹម ៥នាទី មុនគេ
OPPO ចេញវីដេអូបង្អួតមុខងារសាកថ្មឥតខ្សែចម្ងាយ ១០ ម៉ែត្រ តែចុងក្រោយដាច់ចង្កេះផឹង