រឿង សោភ័ណ្ឌ៖ ខ្លួននឹងចុះចែកអង្ករ គ្រឿងបរិភោគមួយចំនួនទៀតដល់អ្នកកំពង់ស្ពឺបន្តទៀត
- 2020-04-06 08:43:30
- ចំនួនមតិ 0 | ចំនួនចែករំលែក 0
រឿង សោភ័ណ្ឌ៖ ខ្លួននឹងចុះចែកអង្ករ គ្រឿងបរិភោគមួយចំនួនទៀតដល់អ្នកកំពង់ស្ពឺបន្តទៀត
ចន្លោះមិនឃើញ
បើតាមការបង្ហោះនៅហ្វេសបុកផ្ទាល់ខ្លួន រឿង សោភ័ណ្ឌ ម្សិលមិញនេះរូបគេ និងមិត្តភ័ក្ដិបានចុះចែកអង្ករ និងគ្រឿងបរិភោគមួយចំនួនដល់ក្រុមគ្រួសារក្រីក្រចំនួន១០០គ្រួសារនៅឯខេត្តកំពង់ស្ពឺដើម្បីដោះស្រាយជីវភាពប្រចាំថ្ងៃ។
រឿង សោភ័ណ្ឌ លើកឡើងថាខ្លួនពិតជាសប្បាយចិត្តខ្លាំងណាស់បានជួយដល់ក្រុមគ្រួសារទាំង១០០គ្រួសារនោះ ដែលកំពុងជួបទុក្ខលំបាកក្នុងជីវភាពរស់នៅប្រចាំថ្ងៃ។ បន្ថែមពីនេះទៀតនោះ អ្នកប្រដាល់គុនខ្មែរខាងលើនេះនឹងប្រមូលថវិកាគ្នាបន្តទៀតដើម្បីទិញគ្រឿងឧបភោគបរិភោគជួយជនក្រីក្រផ្សេងៗទៀតនៅក្នុងខេត្តកំពង់ស្ពឺនេះ។
បញ្ជាក់ដែរថា ម្សិលមិញនេះ សោភ័ណ្ឌ បានចែកជូនដល់គ្រួសារទាំង១០០នោះរួមមាន អង្ករ១០គីឡូក្រាម មី២៥កញ្ចប់ ត្រីខ១យូរ និងទឹកត្រី នៅឯខេត្តកំពង់ស្ពឺ៕