Floyd Mayweather ចាប់ផ្ដើមផ្ទេរវិជ្ជាគុនទៅឲ្យកូនប្រុសច្បងដើម្បីស្នងតំណែង
- 2020-04-07 03:31:01
- ចំនួនមតិ 0 | ចំនួនចែករំលែក 0
Floyd Mayweather ចាប់ផ្ដើមផ្ទេរវិជ្ជាគុនទៅឲ្យកូនប្រុសច្បងដើម្បីស្នងតំណែង
ចន្លោះមិនឃើញ
អ្នកប្រដាល់ Floyd Mayweather បានបំពេញតួនាទីជាឪពុក បង្ហាត់ផ្ទេរវិជ្ជាគុនប្រដាល់ទៅកាន់កូនប្រុសច្បង Koraun។
Koraun វ័យ២០ឆ្នាំកំពុងចាប់ផ្ដើមដើរតាមគន្លងរបស់ឪពុកក្នុងវិស័យប្រដាល់ ដោយចាប់ផ្ដើមហាត់មូលដ្ឋានគ្រឹះ។ វីដេអូឃីបមួយដែលបង្ហោះដោយអ្នកប្រដាល់មិនដែលចាញ់ Floyd ចេញពីក្លឹបប្រដាល់របស់គេ បង្ហាញពីសកម្មភាពឪពុកបង្រៀនកូនពីរបៀបឈានជើងនិងបច្ចេកទេស ពេលដែលធ្វើការដាល់។
ភ្ជាប់ជាមួយវីដេអូ Floyd បានសរសេរថា៖ "ការបង្រៀនកូនប្រុសរបស់ខ្ញុំនៃមូលដ្ឋានគ្រឹះ។ ត្រូវតែបន្តហាត់ឲ្យល្អ។ ឪពិតជាមានមោទនភាពចំពោះកូន"។ Koraun គឺជាកូនម្នាក់ ក្នុងចំណោមកូនទាំង៣របស់ Floyd មានជាមួយអតីតមិត្តស្រី Josie Harris ដែលបានស្លាប់កាលពីខែមុន។
Floyd Mayweather ជាកំពូលអ្នកប្រដាល់សកលម្នាក់ក្នុងលោក ប្រកួត៥០ដងមិនដែលស្គាល់ពាក្យចាញ់។ សម្រាប់ការប្រកួតចុងក្រោយរបស់គេធ្វើឲ្យកក្រើកពិភពលោកគឺការជួបគ្នាជាមួយ Conor McGregor និង Manny Pacquiao៕