នេះរូបរាងផ្លូវការដៃហ្គេម PS5 ដោយរំពឹងទុក ១ គូតម្លៃ ១៤០ ដុល្លារ
- 2020-04-08 06:51:08
- ចំនួនមតិ 0 | ចំនួនចែករំលែក 0
នេះរូបរាងផ្លូវការដៃហ្គេម PS5 ដោយរំពឹងទុក ១ គូតម្លៃ ១៤០ ដុល្លារ
ចន្លោះមិនឃើញ
ថ្មីៗនេះក្រុមហ៊ុន Sony ទើបតែបានប្រកាសចេញផ្សាយនូវរូបរាងពិតនៃដៃហ្គេម DualSense សម្រាប់ម៉ាស៊ីន PlayStation 5 ដែលគ្រោងប្រកាសនៅឆ្នាំ ២០២០ នេះ។
រូបរាងរបស់វាត្រូវបានមើលឃើញថាមានការផ្លាស់ប្តូរច្រើនបើធៀបនឹងជំនាន់ឆ្នាំមុនៗ ហើយក៏មានបន្ថែមនូវមុខងារពិសេសមួយចំនួនទៀតផង។
អ្វីដែលរសើបនឹងឆាប់ចាប់អារម្មណ៍បំផុតគឺត្រង់ផ្នែកភ្លើង LED Lightbar ដែលលើដៃហ្គេម DualShock 4 គឺវារំលេចនៅផ្នែកខាងលើ ខណៈលើដៃ DualSense គឺរចនានៅជុំវិញផ្ទៃ Touchpad វិញ។ នៅផ្នែកប៊ូតុង trigger នៃគ្រាប់ L2/R2 ក៏ Sony បានបង្ហើបថាអនុញ្ញាតឲ្យធ្វើការកំណត់បាននៃភាពរំញ័រ ឲ្យកាន់តែដូចទៅជាការពិតសម្រាប់ការលេងហ្គេមនីមួយៗ។ មួយផ្សេងទៀតលើដៃ PS5 នេះក៏មានបង្កប់នូវរន្ធស្រូបសំឡេងមួយផងដែរ អាចឲ្យអ្នកឆ្លើយឆ្លងសំឡេងខ្លីៗទៅកាន់មិត្តភ័ក្ដិ។
ជុំវិញហេតុផលដែល Sony រចនាទៅជាទម្រង់ពណ៌សខ្មៅ គឺដើម្បីឲ្យអតិថិជនងាយស្រួលចំណាំថាវាជា PS5 ខុសពីទម្លាប់រចនាតែពណ៌ខ្មៅដែលមានតាំងពីជំនាន់ PS2 មកម្ល៉េះ។
បញ្ជាក់ថាចំពោះតម្លៃដៃចាស់លើ PS4 ថ្លៃ ៥០ ដុល្លារឬ ១០០ ដុល្លារ/គូ (តម្លៃក្រៅស្រុក) ដោយឡែកសម្រាប់ដៃហ្គេម PS5 នេះ ត្រូវបានគេរំពឹងថានឹងមានតម្លៃថ្លៃជាងមុនបន្តិចអាចប្រហែល ៧០ ដុល្លារ ឬ ១៤០ ដុល្លារ/គូ៕
អានអត្ថបទ:
ម្ចាស់ Twitter បរិច្ចាគ ១ពាន់លានដុល្លារនៃទ្រព្យរបស់ខ្លួន ដើម្បីជួយប្រយុទ្ធនឹងកូវីដ១៩ទូទាំងពិភពលោក
McLaren 765LT ឆ្នាំ២០២១ ផលិតតែ៧៦៥គ្រឿងគត់ ឯតម្លៃស្មើវីឡាមួយខ្នង