មានកម្រិតវប្បធម៌ខ្ពស់មិនធម្មតា! ថ្នាក់ដឹកនាំ "ផ្សារកសិផលធម្មជាតិ" របស់ឧកញ៉ា ឡេង ណាវ៉ាត្រា

2020-04-11 03:29:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្សារកសិផលធម្មជាតិ ឡេង ណាវ៉ាត្រា របស់ឧកញ៉ា ឡេង ណាវ៉ាត្រា បានបើកដំណើរការប្រមាណ១ខែមកហើយ ដោយបាន និងកំពុងធ្វើឲ្យមានការចាប់អារម្មណ៍ខ្លាំងជាមួយបន្លែគុណភាពខ្ពស់ ធម្មជាតិពិតៗ។ ឥឡូវនេះ សូមណែនាំថ្នាក់ដឹកនាំផ្សារដែលជាជនជាតិខ្មែរ បានបញ្ចប់ការសិក្សាពីអឺរ៉ុប។

តាមឧកញ៉ា ឡេង ណាវ៉ាត្រា បានឲ្យដឹងថា ប្រធាន ឬថ្នាក់ដឹកនាំ "ផ្សារកសិផលធម្មជាតិ" របស់លោកឧកញ៉ា គឺមានឈ្មោះថា សម វិទូ ដែលជាបុគ្គលដ៏សំខាន់ និងមានប្រវត្តិការសិក្សា និងការងារល្អគួរជាទីមោទនៈ។ តាមសាវតារ លោក សម វិទូ កើតនៅថ្ងៃទី ៣១ មករា ១៩៧៥ មកទល់បច្ចុប្បន្នលោកមានវ័យ ៤៥ឆ្នាំហើយ។

លោក សម វិទូ

តាមប្រវត្តិការសិក្សារបស់លោកបានបញ្ចប់ការសិក្សាថ្នាក់បរិញ្ញាបត្រវិទ្យាសាស្ត្រព្រៃឈើនៅសាកលវិទ្យាល័យភូមិន្ទកសិកម្មនៅក្នុងឆ្នាំសិក្សា ១៩៩១-១៩៩៥។ ក្រោយមកលោកបានទៅបន្តការសិក្សានៅប្រទេសក្នុងសង្គមអឺរ៉ុប គឺប្រទេសប៊ែលហ្សិក។ បានលោកសិក្សានៅសាកលវិទ្យាល័យកាតូលិកដូលីវ័ង ជំនាញ បរិញ្ញាបត្រជាន់ខ្ពស់ វិទ្យាសាស្ត្រកសិកម្ម និងវិស្វករជីវសាស្ត្រ។ លោកចូលរៀននៅឆ្នាំ ២០០៤ និងបញ្ចប់នៅឆ្នាំ ២០០៦។

ក្រោយពីបញ្ចប់បរិញ្ញាបត្រជាន់ខ្ពស់ជំនាញខាងលើនៅប៊ែលហ្សរិក លោក សម វិទូ ក៏បានវិលត្រឡប់មកប្រទេសកំណើតវិញ ហើយបានចូលបម្រើការងារ និងមានស្នាដៃជាច្រើនដូចខាងក្រោម៖

ប្រវត្តិការងារ៖

បច្ចុប្បន្ន៖ ប្រធានត្រួតពិនិត្យស្តង់ដារផលិតផលនៃ "ផ្សារកសិផលធម្មជាតិ ឡេង ណាវ៉ាត្រា" ដោយលោកទើបនឹងចូលកាន់ការងារនេះថ្មីៗប៉ុណ្ណោះ។ វិលទៅរកការងារក្នុងអតីតកាលរបស់លោកវិញ៖

-តួនាទី: ទីប្រឹក្សាឯករាជ្យ ផ្នែកសាកវប្បកម្ម ខែតុលា ២០១៧ ដល់ កុម្ភៈ ២០២០ គម្រោងច្រករបៀងអភិរក្សជីវចម្រុះមហាអនុតំបន់ទន្លេមេគង្គ របស់ធនាគារអភិវឌ្ឍន៍អាស៊ី -តួនាទី: នាយកប្រតិបត្តិ មជ្ឈមណ្ឌលសិក្សានិងអភិវឌ្ឍន៍កសិកម្មកម្ពុជា (អង្គការសេដាក) ពីខែមេសា ២០១៤ ដល់ខែ មីនា២០១៨

-តួនាទី: នាយកកម្មវិធី មជ្ឈមណ្ឌលសិក្សានិងអភិវឌ្ឍន៍កសិកម្មកម្ពុជា (អង្គការសេដាក) ពីឆ្នាំ ២០០៧ ដល់ខែ មីនា ២០១៤

-តួនាទី: អ្នកស្រាវជ្រាវ មជ្ឈមណ្ឌលសិក្សានិងអភិវឌ្ឍន៍កសិកម្មកម្ពុជា (អង្គការសេដាក) និងសាកលវិទ្យាល័យ កាតូលីកដឺលូវ័ង ២០០៤-២០០៧

-តួនាទី: អ្នកសម្របសម្រួលកម្មវិធី មជ្ឈមណ្ឌលសិក្សា និងអភិវឌ្ឍន៍កសិកម្មកម្ពុជា (អង្គការសេដាក) ពីឆ្នាំ ១៩៩៨ ដល់ឆ្នាំ ២០០៣

-សមាជិកនៅក្នុងសមាគមអ្នកជំនាញ៖(តួនាទីៈ សមាជិកក្រុមប្រឹក្សាភិបាលរបស់បណ្តាញការងារដើម្បីគាំទ្រនូវការអភិវឌ្ឍមូលដ្ឋាន (PROLINNOVA) អន្តរជាតិ ដែលមានមូលដ្ឋាននៅប្រទេសហូឡង់ ឆ្នាំ ២០០៧-ឆ្នាំ២០១១

តួនាទីៈ សមាជិកក្រុមប្រឹក្សាភិបាលរបស់បណ្តាញការងារឆ្ពោះទៅរកសរីរាង្គអាស៊ី (TOA)ដែលមានមូលដ្ឋាននៅប្រទេសថៃ ឆ្នាំ២០១៤ ដល់ ឆ្នាំ ២០១៩

តួនាទី សមាជិកក្រុមប្រឹក្សាភិបាលរបស់មិត្តកសិករមីក្រូហ្វាយណេន (MKK) ពីឆ្នាំ ២០១៨ ដល់ខែកុម្ភៈ ឆ្នាំ២០២០)

ស្នាដៃ៖ ក្នុងដំណើរអាជីពការងារក្នុងវិស័យកសិកម្មលោក សម វិទូ សម្រេចបានស្នាដៃជាច្រើន ដោយបានបង្កើតជាឯកសារអំពីកសិកម្ម និងផ្នែកផ្សេងទៀតជាច្រើន៖

-ប្រព័ន្ធកសិកម្ម និងឌីណាមិកនៃការប្រើប្រាស់ដីធ្លី លើវិស័យកសិកម្មនៅតំបន់ដែលទទួលរងការអភិវឌ្ឍ នៅខេត្តព្រះសីហនុ និងខេត្តកំពង់ធំ ឆ្នាំ២០០៧។

-ការសិក្សាពីបញ្ហាដីធ្លីនៅកម្ពុជា ក្នុងខេត្តកំពង់ធំ ខេត្តព្រះសីហនុ សៀមរាប និងរតនៈគិរី ឆ្នាំ២០០៦

-ការរៀបចំថ្នាលបណ្តុះកូនឈើ និងការដាំដុះឈើពហុប្រយោជន៍ ឆ្នាំ ២០០០

-ការវាយតម្លៃលើសេដ្ឋកិច្ចគ្រួសារ នៅក្នុងស្រុកគងពិសី ខេត្តកំពង់ស្ពឺ ឆ្នាំ១៩៩៩

-សកម្មភាពរកប្រាក់ចំណូលនៅតំបន់ជុំវិញទីក្រុងភ្នំពេញ ឆ្នាំ១៩៩៩

-ការវាយតម្លៃពីសេដ្ឋកិច្ចសង្គម និងកសិកម្មនៅតំបន់ដែលប្រើប្រាស់ព្រែក និងលទ្ធភាពក្នុងការ ស្តារព្រែកនៅក្នុងស្រុកស្អាង ខេត្តកណ្តាល ឆ្នាំ១៩៩៩។

ការចូលរួមការបណ្តុះបណ្តាល ថ្នាក់ជាតិ និងអន្តរជាតិ

-ខែ មេសា ដល់ខែវិច្ឆិកា ២០១៥ ប្រធានបទ ភាពជាអ្នកដឹកនាំ និងគ្រប់គ្រងអង្គការសង្គមស៊ីវិល រៀបចំដោយ បណ្ឌិតសភាសង្គមស៊ីវិល (CSA) នៅក្រុងព្រះសីហនុ ក្រុងញូដេលី ប្រទេសឥណ្ឌា និងក្រុងប៊នប្រទេស អាល្លឺម៉ង់

-២៩ វិច្ឆិកា ដល់ ០៤ ធ្នូ ២០០៣ ប្រធានបទ ការគិតជាវិជ្ជមាន រៀបចំដោយ បណ្ដាញពលរដ្ឋដើម្បីអភិវឌ្ឍន៍ (CAN) នៅខេត្តសៀមរាប

-១៧ ដល់ ២១ ឧសភា ២០០៣ ប្រធានបទ ជំនាញអ្នកសម្របសម្រួល រៀបចំនៅខេត្តព្រះសីហនុ

និងការចូលរួមបណ្តុះបណ្តាល សិក្ខាសាលា ថ្នាក់ជាតិ និងអន្តរជាតិជាច្រើនទៀតនៅអាស៊ី អាហ្វ្រិក និងអឺរ៉ុប

ភាសា៖ លោក សម វិទូ អាចប្រើប្រាស់ភាសាដូចខាងក្រោម

• ខ្មែរៈ ភាសាកំណើត

• អង់គ្លេសៈ និយាយ សរសេរ និងស្តាប់បានល្អ

• បារាំងៈ និយាយ សរសេរ និងស្តាប់ មធ្យម

ផ្សារទំនើបកសិផលធម្មជាតិ ឡេង ណាវ៉ាត្រា មានទីតាំងនៅក្នុងផ្សារទំនើបអូឡាំព្យាជាន់ផ្ទាល់ដី ស្ថិតនៅខណ្ឌ៧មករា រាជធានីភ្នំពេញ។ ប្រិយមិត្ដអាចកុម្ម៉ង និងសេវាកម្មដឹកជញ្ជូន បានតាមទូរស័ព្ទលេខ៖ 0000 (សម្រាប់ Cellcard ឥតគិតថ្លៃ ) និង ០១១ ៤៤៤ ៤៤៤៕

អត្ថបទ៖ ទារិកា