លែងចង់ខ្ចីដង្ហើមគេ Google សម្ងំផលិតបន្ទះឈីបដោយខ្លួនឯង ដើម្បីប្រជែងនឹង Apple
- 2020-04-15 07:42:28
- ចំនួនមតិ 0 | ចំនួនចែករំលែក 0
លែងចង់ខ្ចីដង្ហើមគេ Google សម្ងំផលិតបន្ទះឈីបដោយខ្លួនឯង ដើម្បីប្រជែងនឹង Apple
ចន្លោះមិនឃើញ
ក្រុមហ៊ុន Google ត្រូវបានរាយការណ៍ថាកំពុងសម្ងំអភិវឌ្ឍផលិតបន្ទះឈីបដោយខ្លួនឯង ដើម្បីបំពាក់លើស្មាតហ្វូន Pixel និងកុំព្យូទ័រ Chromebook នាថ្ងៃអនាគត។
ការវិវត្តខ្លួននេះ នឹងជួយឲ្យ Google កាន់តែមានភាពប្រកួតប្រជែងជាមួយនឹងក្រុមហ៊ុន Apple ដែលជាក្រុមហ៊ុនមានឈីបផ្ទាល់ខ្លួន គឺសេរ៊ី A ជាច្រើនឆ្នាំមកហើយ។ តាមប្រភពសារព័ត៌មាន Axios បានឲ្យដឹងថាផែនការណ៍ផលិតឈីបរបស់ Google គឺមាន code-named ហៅថា Whitechapel ដែលវាជាការផលិតក្រោមកិច្ចសហការជាមួយក្រុមហ៊ុន Samsung លើទម្រង់ឈីបទំហំ 5nm។
ប៉ុន្តែការដាក់ឲ្យប្រើប្រាស់ផ្លូវការ គឺមិនទាន់អាចធ្វើទៅបាននៅឆ្នាំ ២០២០ នេះឡើយ ពោលនឹងអូសបន្លាយចង្វាក់ផលិតកម្មដល់ឆ្នាំក្រោយឯណោះ។
រំឭកថាកន្លងទៅស្មាតហ្វូន Pixel រមែងបំពាក់ឈីបដែលផ្គត់ផ្គង់ដោយក្រុមហ៊ុន Qualcomm គឺប្រភេទ Snapdragon។ បច្ចុប្បន្នសម្រាប់ក្រុមហ៊ុនស្មាតហ្វូនកំពូលៗដែលផលិតឈីបខ្លួនឯងមានដូចជា Apple, Samsung និង Huawei៕
អានអត្ថបទ:
គិតអី! យក Hummer កែដាក់កង់ទំហំ ១៣អ៊ីង ពេលបើកលើផ្លូវល្អមើលអស់ទាស់ (វីដេអូ)
ទូរសព្ទប្រើឈីប Snapdragon 865 តម្លៃខ្ទង់ ៤០០ដុល្លារ ជិតចេញមួយទៀតហើយ