២ប្រទេស លក់ត្រកូល OnePlus 8 ធូរជាងគេជាងឯង
- 2020-04-20 03:33:31
- ចំនួនមតិ 0 | ចំនួនចែករំលែក 0
២ប្រទេស លក់ត្រកូល OnePlus 8 ធូរជាងគេជាងឯង
ចន្លោះមិនឃើញ
OnePlus 8 និង OnePlus 8 Pro ដែលបានប្រកាសចេញកាលពីដើមសប្ដាហ៍មុន នាពេលនេះចាប់ផ្ដើមចេញលក់លើទីផ្សារជាច្រើន ក្នុងនោះឃើញថាមានទីផ្សារចំនួនពីរដែលមានលក់តម្លៃធូរជាងគេ។
ទីមួយគឺនៅប្រទេសចិនដែល OnePlus 8 មានតម្លៃចាប់ពីប្រមាណ ៥៦៥ដុល្លារ ហើយ OnePlus 8 Pro វិញមានតម្លៃចាប់ពី ៧៦៥ដុល្លារ។ ទីពីរគឺនៅឥណ្ឌាដែល OnePlus 8 មានតម្លៃប្រមាណ ៥៩០ដុល្លារ ហើយ OnePlus 8 Pro វិញមានតម្លៃប្រមាណ ៧២០ដុល្លារ ជាតម្លៃសម្រាប់ប្រភេទ RAM 8GB និងអង្គផ្ទុក ១២៨GB។ នៅទីផ្សារប្រទេសឥណ្ឌាគេក៏ឃើញមាន OnePlus 8 ដែលប្រើប្រាស់ RAM ទំហំ 6GB និងអង្គផ្ទុក 128GB ដោយមានតម្លៃប្រមាណ ៥៥០ដុល្លារ។
ដោយឡែកនៅទីផ្សារសហរដ្ឋអាមេរិកវិញ OnePlus 8 មានតម្លៃចាប់ពី ៦៩៩ដុល្លារ ហើយ OnePlus 8 Pro មានតម្លៃចាប់ពី ៨៩៩ដុល្លារ ជាតម្លៃសម្រាប់ប្រភេទ RAM 8GB និងអង្គផ្ទុក 128GB៕